شىمكەنت قالاسىندا حالىق ساناعىنا دايىندىق كەزەڭى اياقتالدى. بۇل تۋرالى اقپاراتتىق-كوممۋنيكاتسيالىق ورتالىعىندا وتكەن بريفينگتە ۇلتتىق ستاتيستيكا بيۋروسىنىڭ شىمكەنت قالالىق دەپارتامەنت باسشىسى ەرنازار قۇلتاەۆ مالىمدەدى. جيىندا ساناقتىڭ 1-ءشى كەزەڭىن وتكىزۋ بارىسىنداعى تۋىنداعان ماسەلەلەر تالقىلاندى.
بيىل ەلىمىزدە 1 قىركۇيەك پەن 30 قازان ارالىعىندا حالىق ساناعى العاش رەت ونلاين وتەدى. قازىرگى تاڭدا وڭىرلەردە دايىنىق جۇمىستارى قىزۋ جۇرگىزىلىپ ءجاتىرۇ الايدا، شىمكەنت قالاسىندا ساناق وتكىزۋ بارىسىندا بىرقاتار ماسەلەلەر تۋىنداعان. جاۋاپتىلار كورسەتىلگەن قىزمەتتەرى ءۇشىن تولەنەتىن اقى مولشەرىنە جانە دالالىق جۇمىستاردى جۇرگىزۋگە قىزىعۋشىلىق تانىتپاعان. اسىرەسە، قالا شەتىندە تۇراتىن تۇرعىن الابتارداعى حالىقتارعا سەلقوس قاراعان. بۇگىن ول قىزمەتكەرلەردىڭ 75-ءسى جۇمىستان بوساتىلىپ، ونىڭ 9-مەن جاڭادان كەلىسىم شارت جاسالدى،-دەيدى ەرنازار سەيىتحانۇلى.
ەرنازار قۇلتاەۆ - ۇلتتىق ستاتيستيكا بيۋروسىنىڭ شىمكەنت قالاسى بويىنشا دەپارتامەنتىنىڭ باسشىسى
بۇگىندە ءاربىر قازاقستان ازاماتىنا حالىق ساناعىنىڭ ماڭىزدى ەكەنى ەسكەرتىلىپ جاتىر. قالادا ادام كوپ شوعىرلاناتىن جەرلەردە جانەي قوعامدىق كولىكتەردە 5000-عا جۋىق اقپاراتتىق پاراقشالاردى ءىلۋ قاراستىرىلىپ وتىر.ال، 16 تامىزدان باستاپ، ساناقتىڭ ماڭىزدىلىعى مەن ءمانى جونىندە ارنايى بەينە جانە اۋديوروليكتەر كورسەتىلمەك.
ەرنازار قۇلتاەۆ - ۇلتتىق ستاتيستيكا بيۋروسىنىڭ شىمكەنت قالاسى بويىنشا دەپارتامەنتىنىڭ باسشىسى
ايتا كەتەيىك، 2021 جىلدىڭ ۇلتتىق ساناعى كەزىندە «1446» بىرىڭعاي call-ورتالىعى جۇمىس جاسايدى. «1446» - ەلدىڭ بارلىق اۋماعىنداعى ءموبيلدى جانە ستاتسيونار تەلەفوندار ءۇشىن بىرىڭعاي ءنومىر بولادى.سall-ورتالىققا قوڭىراۋ شالۋ تەگىن.
