بۇگىن قر پرەمەر-ءمينيسترى ا.مامين ۇكىمەت مۇشەلەرىمەن، رەسپۋبليكالىق ماڭىزى بار قالالار مەن وبلىستاردىڭ اكىمدەرىمەن سەلەكتورلىق ءماجىلىس وتكىزدى.
ۇكىمەت وتىرىسىندا ەلدەگى ەپيدەميولوگيالىق احۋال تالقىلانىپ، وڭىرلەردىڭ الەۋمەتتىك-ەكونوميكالىق دامۋ كورسەتكىشتەرى تارازىلاندى.
رەسپۋبليكا وبلىستارى مەن قالالارىنىڭ ەكونوميكا سالاسىنداعى نەگىزگى كورسەتكىشتەرىنىڭ دامۋ ديناميكاسىندا شىمكەنت قالاسىنىڭ بارلىق كورسەتكىشتەرىندە ءوسىم ديناميكاسى بار ەكەندىگى باياندالدى.
بۇل جونىندە ۇلتتىق ەكونوميكا ءمينيسترى اسەت ەرعاليەۆ: «وڭىرلەر اراسىندا ەڭ جوعارعى كورسەتكىش تۇركىستان جانە سولتۇستىك قازاقستان وبلىستارىندا، سونداي-اق شىمكەنت جانە الماتى قالالارىندا بايقالۋدا»، - دەدى.
ونىڭ ىشىندە بيىلعى جىلدىڭ قاڭتار-شىلدە مەرزىمىندەگى ارالىقتا بىلتىرعى جىلدىڭ ءتيىستى كەزەڭىمەن سالىستىرعاندا شىمكەنت قالاسىنىڭ
📈 وڭدەۋ ونەركاسىبىندەگى كورسەتكىشى 104,8 پايىزعا،
📈 اۋىلشارۋاشىلىعى سالاسى – 103 پايىزعا،
📈 قۇرىلىس جۇمىستارى – 114,6 پايىزعا،
📈 پايدالانۋعا بەرىلگەن ۇيلەر كولەمى – 107,9 پايىزعا،
📈 ساۋدا سالاسى – 104,2 پايىزعا،
📈 كولىك سالاسى – 103 پايىزعا،
📈 جەكە ينۆەستيتسيا تارتۋ كولەمى – 149,5 پايىزعا ارتقاندىعى اتاپ ءوتىلدى.
شىمكەنت قالاسىنىڭ كەن وندىرىسىمەن بايلانىستى ەمەس سالالار بويىنشا ينۆەستيتسيالىق بەلسەندىلىگى 22,8 پايىزعا جەتكەندىگى ايتىلىپ، قۇرىلىس، وڭدەۋ ونەركاسىبى، ونىڭ ىشىندە ازىق-تۇلىك ءوندىرىسى، بايلانىس جانە اقپارات، اۋىل شارۋاشىلىعى، ساۋدا، جىلجىمايتىن مۇلىك وپەراتسيالارى، كولىك سالالارىندا وڭ دامۋ كورسەتكىشتەرى قالىپتاسقان. بۇل كورسەتكىشتەن قالامىز 3-ءشى ورىنعا تۇراقتاعان.
قۇرىلىس سالاسىندا شىمكەنت قالاسى ۇزدىك بەستىكتىڭ قاتارىنا ەنىپ، بىلتىرعى جىلدىڭ ءتيىستى كەزەڭىمەن سالىستىرعاندا قۇرىلىس كولەمى 14,6 پايىزعا وسكەن.
قالامىزدىڭ الەۋمەتتىك-ەكونوميكالىق دامۋ كورسەتكىشتەرىندە قالىپتاسقان وڭ ديناميكا شاھار ەكونوميكاسىنىڭ تۇراقتى وركەندەۋىنە نەگىز بولىپ، دامۋ جوسپارىندا قامتىلعان مىندەتتەردى تابىستى ىسكە اسىرۋعا كەپىل بولماق.
شىمكەنت قالاسى اكىمدىگىنىڭ ءباسپاسوز قىزمەتى
