مەملەكەت باسشىسىنىڭ «حالىق ۇنىنە قۇلاق اساتىن مەملەكەت» قاعيداسىنا سايكەس شىمكەنت قالاسىندا حالىقپەن كەرى بايلانىس ورناتۋ جۇيەلى جولعا قويىلعان.
شىمكەنت قالاسىنىڭ اكىمى مۇرات ايتەنوۆ باستاعان باسشىلىق وكىلدەرى تۇرعىندارمەن ونلاين كەزدەسۋلەر وتكىزىپ، الەۋمەتتىك جەلى ارقىلى تىكەلەي ەفيردە بايلانىسىپ وتىرادى.
قالا اكىمى اي سايىن تۇرعىنداردى ونلاين جەكە ماسەلەلەرى بويىنشا قابىلداسا، اپتا سايىن ءتۇرلى تاقىرىپتا ءوزىنىڭ پاراقشاسىندا تىكەلەي ەفيرگە شىعىپ تۇرادى. جىل باسىنان بەرى 11 رەت تىكەلەي ەفيرگە شىققان بولسا، اكىم جانە ونىڭ ورىنباسارلارى 70 رەت ونلاين كەزدەسۋ وتكىزىپ، وندا 555 تۇرعىندى قابىلداعان.
ودان بولەك سوڭعى 2 ايدا اۋدان اكىمدەرى مەن باسقارما باسشىلارى 25 رەت تىكەلەي ەفيرگە شىعىپ، تۇرعىندار ساۋالىنا جاۋاپ بەرگەن. اتقارىلعان جۇمىستار جونىندە ەسەپ بەرىپ، جوسپارلارمەن ءبولىسىپ وتىرادى.
مىسالى، مەگاپوليس باسشىسى وتكەن جۇمادا تۇرعىن ءۇيدى باسقارۋدىڭ جاڭا تۇرىنە (وسي) كوشۋدىڭ ارتىقشىلىقتارىن ءتۇسىندىردى. جاڭا زاڭعا سايكەس كوپ قاباتتى تۇرعىن ۇيلەر جاي سەرىكتەستىك نەمەسە مۇلىك يەلەرىنىڭ بىرلەستىگىن قۇرىپ جاتىر.
اقپاراتتىق تانىمدىق جيەكتى ارتتىرۋ ماقساتىندا بۇگىن اباي اۋدانىنىڭ اكىمى ب.پارمانوۆ @akimat_shymkent اكىمدىكتىڭ ينستاگرامداعى رەسمي پاراقشاسىندا اتالعان تاقىرىپتى تاعى دا كەڭىنەن تارقاتتى. ميب نەمەسە جس قۇرۋ ءۇشىن نە ىستەۋ كەرەك، كىمگە بارۋ كەرەك، قانداي تيىمدىلىگى بار اتاپ ءوتتى. ەفير بارىسىندا قويىلعان 70-كە تارتا سۇراققا جاۋاپ بەردى.
شىمكەنت قالاسى اكىمدىگىنىڭ ءباسپاسوز قىزمەتى
