Memleket basshysynyń «halyq únine qulaq asatyn memleket» qaǵıdasyna sáıkes Shymkent qalasynda halyqpen keri baılanys ornatý júıeli jolǵa qoıylǵan.
Shymkent qalasynyń ákimi Murat Áıtenov bastaǵan basshylyq ókilderi turǵyndarmen onlaın kezdesýler ótkizip, áleýmettik jeli arqyly tikeleı efırde baılanysyp otyrady.
Qala ákimi aı saıyn turǵyndardy onlaın jeke máseleleri boıynsha qabyldasa, apta saıyn túrli taqyrypta óziniń paraqshasynda tikeleı efırge shyǵyp turady. Jyl basynan beri 11 ret tikeleı efırge shyqqan bolsa, ákim jáne onyń orynbasarlary 70 ret onlaın kezdesý ótkizip, onda 555 turǵyndy qabyldaǵan.
Odan bólek sońǵy 2 aıda aýdan ákimderi men basqarma basshylary 25 ret tikeleı efırge shyǵyp, turǵyndar saýalyna jaýap bergen. Atqarylǵan jumystar jóninde esep berip, josparlarmen bólisip otyrady.
Mysaly, megapolıs basshysy ótken jumada turǵyn úıdi basqarýdyń jańa túrine (OSI) kóshýdiń artyqshylyqtaryn túsindirdi. Jańa zańǵa sáıkes kóp qabatty turǵyn úıler jaı seriktestik nemese múlik ıeleriniń birlestigin quryp jatyr.
Aqparattyq tanymdyq jıekti arttyrý maqsatynda búgin Abaı aýdanynyń ákimi B.Parmanov @akimat_shymkent ákimdiktiń ınstagramdaǵy resmı paraqshasynda atalǵan taqyrypty taǵy da keńinen tarqatty. MIB nemese JS qurý úshin ne isteý kerek, kimge barý kerek, qandaı tıimdiligi bar atap ótti. Efır barysynda qoıylǵan 70-ke tarta suraqqa jaýap berdi.
Shymkent qalasy ákimdiginiń baspasóz qyzmeti
