ءار ادامنىڭ وزىندىك تاعدىرى بولادى. قازاقتا «پەشەنەگە جازىلعاننان ەشقايدا قاشا المايسىڭ» دەگەن تۇسىنىك بار. مەملەكەت باسشىسى قاسىم-جومارت توقاەۆ «ءبىز مۇقتاجدىق پەن ماسىلدىقتىڭ ارا جىگىن اجىراتا ءبىلۋىمىز كەرەك. تەك ۇكىمەت تاراپىنان بولىنەتىن جاردەماقىعا قاراپ ءومىر سۇرۋگە بولمايتىنىن ءار ازامات تۇسىنگەنى ءجون» دەگەن بولاتىن.
الايدا، مۇقتاجدىق تۋرالى ءسوز قوزعاعاندا «ماسىلدىقتان ارىلۋ كەرەك» دەگەنىمىز باسىمداۋ بولىپ تۇرعانى ويلاندىرادى. قوعامدا ماسىلدىقتىڭ بەلەڭ الۋىنا جالقاۋلىقتىڭ əسەر ەتەتىنىن بولجاۋ وڭاي. سەبەبى، جاتىپىشەرلەردىڭ سانى ارتىپ بارادى. ەكىنشى سەبەپ، جۇمىسسىزداردىڭ كوبەيۋى. «ەكى قولعا ءبىر كۇرەك تابىلادى» دەسەك تە، قازىر جۇمىسقا ورنالاسۋدىڭ وڭاي سوقپايتىنى راس. ءتىپتى، ديپلومى بار ادامداردىڭ ءوزى بىردەن جۇمىسقا تۇرا المايدى. بۇل تۇستا سىبايلاس جەمقورلىقتىڭ دا وزىندىك ىقپالى ءتيىپ جاتقانىن ايتۋ كەرەك. تانىس-تامىر، پارا بەرۋ ارقىلى كوزدەگەن ورىنعا ورنالاسۋ قازىر قالىپتى جاعدايعا اينالعان. مۇنى قوعامنىڭ دەرتى دەمەسكە نە شارا.
ماسىلدىق مەملەكەتتىڭ دامۋىنا، وركەندەۋىنە كەرى əسەرىن تيگىزەدى. كوڭىلى قۇرعىر قازاق قوعامىندا ماسىلدىق بەلەڭ الدى دەگەنگە سەنگىسى كەلمەيدى، əرينە. ستاتيستيكاعا قاراساق، 8 ملن. 800 مىڭنان استام ادام جۇمىس ىستەيتىنىن كورسەتەدى. ولاردىڭ ىشىندە تۇراقتى جۇمىسى بارلاردىڭ سانى 6 ملن. 700 مىڭنان اسقان. بۇل ءبىر جاعىنان وتانداستارىمىزدىڭ ەڭبەكتەن قاشپايتىنىنا دəلەل. Əدەتتە، كەيىنگى ۋاقىتتا ءجيى ايتىلاتىن «بارلىق سالماقتى əيەلدەر كوتەرىپ ءجۇر» دەگەن ءسوزدى ەركەكتەر قاۋىمى جوققا شىعارىپ، وزدەرىنىڭ قانداي جۇمىستان بولسىن جالتارمايتىنىن بايقاتىپ وتىرعان كورىنەدى. ەگەر ول وتاعاسى رەتىندەگى جاۋاپكەرشىلىكتى سەزىنبەسە، جانايار بولسا، وندا اۋىر جۇمىسقا بارمايتىن ەدى عوي دەگەن پىكىرمەن دە كەلىسۋگە بولار.
جالپى، كەز كەلگەن سانالى ازامات ماسىلدىققا سالىنبايتىنى بەلگىلى. «بەس ساۋساق بىردەي ەمەس» دەگەنگە سەنسەك، ادامنىڭ دا الا-قۇلاسى بارىنا كوز جەتكىزۋ قيىن ەمەس. مۇنداي ادامداردى ەكى توپقا جاتقىزۋعا بولادى. بىرەۋلەرى، شىن مəنىندە ەڭبەككە جارامسىز، ەندى ءبىرى مۇلدە جۇمىس ىستەگىسى كەلمەيتىندەر. قالاي دەسەك تە، حالىق شاما شارقى كەلگەنشە جۇمىس ىستەۋدە. تەك تاپقان تابىسىنىڭ بىلاي تارتسا، بىلاي جەتپەي جاتقانى بۇلتارتپاس شىندىق.
قازاقتا اششى دا بولسا نانىمدى ايتىلعان «ءولىم باردىڭ مالىن شاشادى، جوقتىڭ ارتىن اشادى» دەگەن ءسوز بار. جاسىراتىنى جوق، əۋەلدەن-اق الدى-ارتىمىزدى باجايلاي بەرمەيتىن مىنەزىمىزدىڭ تالاي رەت تاياق بولىپ تيگەنى ەسىمىزدە. ونىڭ ءبىر ۇشى ىسىراپشىلدىق پەن ماسىلدىققا كەلىپ تىرەلەدى. Əلبەتتە، ماسىل ادامنىڭ ەرتەڭگى ومىردەن كۇدەر ۇزگەن ادامنان ەش ايىرماسى جوق دەر ەدىك.
جالپى، حالىقتىڭ قازىرگى تابىسى كوڭىلدەن شىعاتىنداي دەڭگەيدە ەمەس ەكەنىن ەسكەرسەك، قوعامدا ماسىلدىقتان بۇرىن مۇقتاجدىق باسىم ەكەنىنە كوز جەتكىزەمىز. بىرەۋگە جالتاقتاپ، كەڭسە ەسىگىن توزدىرۋعا ەشكىمنىڭ دە قۇمار ەمەستىگى بەلگىلى. ال، ءبىز، كەيدە ەل ىشىندە مۇقتاجدىق بار ەكەنىن ەسكەرمەي، جاپپاي ماسىلدىق جايلاپ العانداي سەزىمدە بولاتىنىمىز قىزىق.
