جەمقورلىق - عاسىر دەرتى

5594
Adyrna.kz Telegram

قازىرگى كەزدە سىبايلاس  جەمقورلىق  الەمنىڭ كەز كەلگەن ەلىندە ونىڭ ساياسي دامۋىنا بايلانىسسىز، ونىڭ ىشىندە قازاقستاندا دا، الەۋمەتتىك قۇبىلىس رەتىندە ءومىرىن جالعاستىرىپ كەلەدى، ول تەك اۋقىمدىلىعىمەن عانا ەرەكشەلەنەدى. سىبايلاس جەمقورلىق الەۋمەتتىك-ەكونوميكالىق دامۋ ۇدەرىسىن، نارىقتىق ەكونوميكانىڭ قۇرىلۋىن، ينۆەستيتسيالار تارتۋ پروتسەسىن تەجەيدى. دەموكراتيالىق مەملەكەتتىڭ ساياسي جانە قوعامدىق ينستيتۋتتارىنا كەرى اسەرىن تيگىزەدى، ەلدىڭ بولاشاق دامۋىنا ەلەۋلى قاۋىپ توندىرەدى. قازاقستاننىڭ مەملەكەتتىك ساياساتىنىڭ نەگىزگى باسىمدىقتارىنىڭ ءبىرى سىبايلاس جەمقورلىقپەن كۇرەس بولىپ تابىلادى.

سىبايلاس جەمقورلىققا قارسى كۇرەس — وزەكتى ماسەلە.  سىبايلاس جەمقورلىقپەن كۇرەستە، مەملەكەت پەن ازاماتتاردىڭ ءومىر ءسۇرۋىنىڭ بارلىق سالالارىندا سىبايلاس جەمقورلىق پەن ونىڭ كورىنىستەرى دەڭگەيىن تومەندەتۋ، قوعامنىڭ مەملەكەتكە جانە ونىڭ ينستيتۋتتارىنا سەنىمىن نىعايتۋ بۇگىنگى كۇندەگى باستى ماقسات بولىپ تابىلادى. سوندىقتان دا قازاقستان رەسپۋبليكاسىنىڭ مەملەكەتتىك ساياساتىنىڭ نەگىزگى باسىمدىلىقتارىنىڭ ءبىرى بولىپ سىبايلاس جەمقورلىقپەن كۇرەسۋ بولىپ تابىلادى.

قازىرگى زامانعى الەمدە سىبايلاس جەمقورلىقپەن كۇرەسۋدى كۇشەيتۋ جۇمىسى ۇزدىكسىز جۇرگىزىلۋدە جانە ءاردايىم جەتىلدىرىلۋ ۇستىندە. الەمدە سىبايلاس جەمقورلىقپەن كۇرەسۋ مەحانيزمىنىڭ بارلىق ەلدەرگە ءتيىمدى بولاتىن بىرەگەي جيناعى جوق. ءاربىر مەملەكەت قولداناتىن سىبايلاس جەمقورلىقپەن كۇرەسۋ ادىستەرىنىڭ جيىنتىعى وزگەشە، ول ەلدىڭ ساياسي جانە ەكونوميكالىق تۇراقتىلىعىنا عانا ەمەس، سونىمەن قاتار ادەت-عۇرپى مەن سالت-داستۇرلەرىنە، ءدىني ەرەكشەلىگى مەن قۇقىقتىق مادەنيەت دەڭگەيىنە جانە اۋماعى بويىنشا الاتىن جەرىنە، حالقىنىڭ سانى مەن ورنالاسۋ تىعىزدىعىنا دا بايلانىستى بولىپ كەلەدى.قازاقستاندا ەكونوميكانى جانداندىرۋ جانە اۋقىمدى الەۋمەتتىك  تۇرلەندىرۋ جاعدايىندا مەملەكەتتىڭ سىبايلاس جەمقورلىققا قارسى باعىتتالعان زاماناۋي الەۋمەتتىك-ەكونوميكالىق ساياساتىمەن تىعىز بايلانىسقان بۇتىندەي ستراتەگيانىڭ قاجەتتىلىگىنە انىق كوز جەتكىزىلدى.

ەلباسىمىز ن.ءا.نازارباەۆ سىبايلاس جەمقورلىققا دەر كەزىندە تويتارىس بەرىلۋىن تالاپ ەتىپ وتىر. سول سەبەپتى ءار مەملەكەتتىك سالادا سىبايلاس جەمقورلىققا قارسى ناتيجەلى كۇرەس جۇرگىزۋ، ءار ازاماتتىڭ  قۇقىلىق مۇددەسىن جانە ولاردى الدىن الا جەمقورلىق  ءىس-ارەكەتتەردەن قورعاۋ، ەسكەرتۋ جانە جول بەرمەۋ، مەملەكەتتىڭ جەمقورلىققا قارسى ساياساتىن ناسيحاتتاۋ مەن حالىقارالىق ىنتىماقتاستىقتى نىعايتۋعا باعىتتالعان بولۋ كەرەك.

سىبايلاس جەمقورلىققا قارسى كۇرەس ءبىر ادامنىڭ ەمەس، كوپشىلىكتىڭ  بەلسەنە ات سالىساتىن ءىسى. سوندىقتان «كوپ قورقىتادى، تەرەڭ باتىرادى» دەگەندەي كوپشىلىك بىرلەسسە، سىبايلاس جەمقورلىققا مىقتى توسقاۋىل قويىلاتىنى ءسوزسىز. سىبايلاس جەمقورلىقپەن كۇرەستە تەك قۇقىقتىق ورگاندار عانا ەمەس،  ازاماتتىق جانە قوعامدىق ۇيىمدار ماڭىزدى باسىمدىق بەرىپ، بەلسەندىلىك تانىتۋلارى قاجەت.

زاڭعا سايكەس سىبايلاس جەمقورلىقپەن كۇرەستى بارلىق مەملەكەتتىك ورگاندار مەن لاۋازىمدى تۇلعالار جۇرگىزۋى ءتيىس دەپ ايقىندالعان. چاپاەۆ اۋىلدىق وكرۋگىنىڭ ۇجىمى دا پرەزيدەنتتىڭ «سىبايلاس جەمقورلىقپەن كۇرەس» تۋرالى جارلىعى مەن جولداۋىن شىن جۇرەكپەن قابىلدادى. وكرۋگتە 11500-نان استام حالىق تۇرادى. جارلىق پەن جولداۋدىڭ ماقساتى مەن كۇرەس جولدارىن ءار تۇرعىنعا جەتكىزۋ ءۇشىن ۇگىت ناسيحات جۇمىستارى ءبىرىنشى كەزەككە قويىلدى. ارنايى ءىس جوسپار جاسالىپ، وندا سىبايلاس جەمقورلىقتى بولدىرماۋ، الدىن الۋ جانە كۇرەسۋ جولدارى قاراستىرىلدى. 7 ادامنان ارنايى توپ قۇرىلدى. توپ مۇشەلەرىنە قوعامدىق ۇيىمدارى مەن اۋىل بەلسەندىلەرى كىردى. جۇمىس جوسپارىنا ساي، مەكەمەلەردە، ساۋدا ورتالىقتارىندا «سىبايلاس جەمقورلىقپەن كۇرەس» تۋرالى ۇگىت ناسيحات جۇمىستارى ۇزبەي جۇرگىزىلۋدە. سونىمەن قاتار، سىبايلاس جەمقورلىقپەن كۇرەسۋ جولدارى جازىلعان ۇندەۋ پاراقشالارى تاراتىلدى. چاپاەۆ  اۋىلدىق وكرۋگى اكىمدىگى «Nur Otan» پارتياسىمەن كەلىسە وتىرىپ بىرنەشە مەكەمەلەردە جارلىقتىڭ ورىندالۋ بارىسىن ءبىلۋ ءۇشىن تەكسەرۋلەر جۇرگىزسە، ودان بولەك وكرۋگتە «سەنىم» تەلەفونىنىڭ نومىرلەرى كورنەكى جەردە ءىلىنۋلى، ال ۇسىنىس جانە شاعىم جاشىگى اكىمدىك عيماراتىندا ورنالاسقان. «سەنىم» تەلەفونىنا تۇسكەن  جانە زاڭ بۇزۋشىلىق تۋرالى مالىمەتتەر جوق.

سىبايلاس جەمقورلىق – بۇل ىندەت،ول ءبىر كۇندە شەشە سالاتىن شارۋا ەمەس. بۇل ىندەتپەن كۇرەس تەك مەملەكەت تاراپىنان ەمەس، بۇكىل ەل بولىپ جۇمىلعاندا عانا جەڭۋگە بولاتىنى انىق.

 

پىكىرلەر