Jemqorlyq - ǧasyr dertı

Qazırgı kezde sybailas  jemqorlyq  älemnıŋ kez kelgen elınde onyŋ saiasi damuyna bailanyssyz, onyŋ ışınde Qazaqstanda da, äleumettık qūbylys retınde ömırın jalǧastyryp keledı, ol tek auqymdylyǧymen ǧana erekşelenedı. Sybailas jemqorlyq äleumettık-ekonomikalyq damu üderısın, naryqtyq ekonomikanyŋ qūryluyn, investisiialar tartu prosesın tejeidı. Demokratiialyq memlekettıŋ saiasi jäne qoǧamdyq instituttaryna kerı äserın tigızedı, eldıŋ bolaşaq damuyna eleulı qauıp töndıredı. Qazaqstannyŋ memlekettık saiasatynyŋ negızgı basymdyqtarynyŋ bırı sybailas jemqorlyqpen küres bolyp tabylady. Sybailas jemqorlyqqa qarsy küres — özektı mäsele.  Sybailas jemqorlyqpen küreste, memleket pen azamattardyŋ ömır süruınıŋ barlyq salalarynda sybailas jemqorlyq pen onyŋ körınısterı deŋgeiın tömendetu, qoǧamnyŋ memleketke jäne onyŋ instituttaryna senımın nyǧaitu bügıngı kündegı basty maqsat bolyp tabylady. Sondyqtan da Qazaqstan Respublikasynyŋ memlekettık saiasatynyŋ negızgı basymdylyqtarynyŋ bırı bolyp sybailas jemqorlyqpen küresu bolyp tabylady. Qazırgı zamanǧy älemde sybailas jemqorlyqpen küresudı küşeitu jūmysy üzdıksız jürgızılude jäne ärdaiym jetıldırılu üstınde. Älemde sybailas jemqorlyqpen küresu mehanizmınıŋ barlyq elderge tiımdı bolatyn bıregei jinaǧy joq. Ärbır memleket qoldanatyn sybailas jemqorlyqpen küresu ädısterınıŋ jiyntyǧy özgeşe, ol eldıŋ saiasi jäne ekonomikalyq tūraqtylyǧyna ǧana emes, sonymen qatar ädet-ǧūrpy men salt-dästürlerıne, dıni erekşelıgı men qūqyqtyq mädeniet deŋgeiıne jäne aumaǧy boiynşa alatyn jerıne, halqynyŋ sany men ornalasu tyǧyzdyǧyna da bailanysty bolyp keledı.Qazaqstanda ekonomikany jandandyru jäne auqymdy äleumettık  türlendıru jaǧdaiynda memlekettıŋ sybailas jemqorlyqqa qarsy baǧyttalǧan zamanaui äleumettık-ekonomikalyq saiasatymen tyǧyz bailanysqan bütındei strategiianyŋ qajettılıgıne anyq köz jetkızıldı. Elbasymyz N.Ä.Nazarbaev sybailas jemqorlyqqa der kezınde toitarys berıluın talap etıp otyr. Sol sebeptı är memlekettık salada sybailas jemqorlyqqa qarsy nätijelı küres jürgızu, är azamattyŋ  qūqylyq müddesın jäne olardy aldyn ala jemqorlyq  ıs-äreketterden qorǧau, eskertu jäne jol bermeu, memlekettıŋ jemqorlyqqa qarsy saiasatyn nasihattau men halyqaralyq yntymaqtastyqty nyǧaituǧa baǧyttalǧan bolu kerek. Sybailas jemqorlyqqa qarsy küres bır adamnyŋ emes, köpşılıktıŋ  belsene at salysatyn ısı. Sondyqtan «Köp qorqytady, tereŋ batyrady» degendei köpşılık bırlesse, sybailas jemqorlyqqa myqty tosqauyl qoiylatyny sözsız. Sybailas jemqorlyqpen küreste tek qūqyqtyq organdar ǧana emes,  azamattyq jäne qoǧamdyq ūiymdar maŋyzdy basymdyq berıp, belsendılık tanytulary qajet. Zaŋǧa säikes sybailas jemqorlyqpen kürestı barlyq memlekettık organdar men lauazymdy tūlǧalar jürgızuı tiıs dep aiqyndalǧan. Chapaev auyldyq okrugınıŋ ūjymy da Prezidenttıŋ «Sybailas jemqorlyqpen küres» turaly Jarlyǧy men Joldauyn şyn jürekpen qabyldady. Okrugte 11500-nan astam halyq tūrady. Jarlyq pen Joldaudyŋ maqsaty men küres joldaryn är tūrǧynǧa jetkızu üşın ügıt nasihat jūmystary bırınşı kezekke qoiyldy. Arnaiy ıs jospar jasalyp, onda sybailas jemqorlyqty boldyrmau, aldyn alu jäne küresu joldary qarastyryldy. 7 adamnan arnaiy top qūryldy. Top müşelerıne qoǧamdyq ūiymdary men auyl belsendılerı kırdı. Jūmys josparyna sai, mekemelerde, sauda ortalyqtarynda «Sybailas jemqorlyqpen küres» turaly ügıt nasihat jūmystary üzbei jürgızılude. Sonymen qatar, sybailas jemqorlyqpen küresu joldary jazylǧan ündeu paraqşalary taratyldy. Chapaev  auyldyq okrugı äkımdıgı «Nur Otan» partiiasymen kelıse otyryp bırneşe mekemelerde Jarlyqtyŋ oryndalu barysyn bılu üşın tekseruler jürgızse, odan bölek Okrugte «senım» telefonynyŋ nömırlerı körnekı jerde ılınulı, al ūsynys jäne şaǧym jäşıgı äkımdık ǧimaratynda ornalasqan. «Senım» telefonyna tüsken  jäne zaŋ būzuşylyq turaly mälımetter joq. Sybailas jemqorlyq – būl ındet,ol bır künde şeşe salatyn şarua emes. Būl ındetpen küres tek memleket tarapynan emes, bükıl el bolyp jūmylǧanda ǧana jeŋuge bolatyny anyq.