Qazirgi kezde sybaılas jemqorlyq álemniń kez kelgen elinde onyń saıası damýyna baılanyssyz, onyń ishinde Qazaqstanda da, áleýmettik qubylys retinde ómirin jalǵastyryp keledi, ol tek aýqymdylyǵymen ǵana erekshelenedi. Sybaılas jemqorlyq áleýmettik-ekonomıkalyq damý úderisin, naryqtyq ekonomıkanyń qurylýyn, ınvestıııalar tartý proesin tejeıdi. Demokratııalyq memlekettiń saıası jáne qoǵamdyq ınstıtýttaryna keri áserin tıgizedi, eldiń bolashaq damýyna eleýli qaýip tóndiredi. Qazaqstannyń memlekettik saıasatynyń negizgi basymdyqtarynyń biri sybaılas jemqorlyqpen kúres bolyp tabylady.
Sybaılas jemqorlyqqa qarsy kúres — ózekti másele. Sybaılas jemqorlyqpen kúreste, memleket pen azamattardyń ómir súrýiniń barlyq salalarynda sybaılas jemqorlyq pen onyń kórinisteri deńgeıin tómendetý, qoǵamnyń memleketke jáne onyń ınstıtýttaryna senimin nyǵaıtý búgingi kúndegi basty maqsat bolyp tabylady. Sondyqtan da Qazaqstan Respýblıkasynyń memlekettik saıasatynyń negizgi basymdylyqtarynyń biri bolyp sybaılas jemqorlyqpen kúresý bolyp tabylady.
Qazirgi zamanǵy álemde sybaılas jemqorlyqpen kúresýdi kúsheıtý jumysy úzdiksiz júrgizilýde jáne árdaıym jetildirilý ústinde. Álemde sybaılas jemqorlyqpen kúresý mehanızminiń barlyq elderge tıimdi bolatyn biregeı jınaǵy joq. Árbir memleket qoldanatyn sybaılas jemqorlyqpen kúresý ádisteriniń jıyntyǵy ózgeshe, ol eldiń saıası jáne ekonomıkalyq turaqtylyǵyna ǵana emes, sonymen qatar ádet-ǵurpy men salt-dástúrlerine, dinı ereksheligi men quqyqtyq mádenıet deńgeıine jáne aýmaǵy boıynsha alatyn jerine, halqynyń sany men ornalasý tyǵyzdyǵyna da baılanysty bolyp keledi.Qazaqstanda ekonomıkany jandandyrý jáne aýqymdy áleýmettik túrlendirý jaǵdaıynda memlekettiń sybaılas jemqorlyqqa qarsy baǵyttalǵan zamanaýı áleýmettik-ekonomıkalyq saıasatymen tyǵyz baılanysqan bútindeı strategııanyń qajettiligine anyq kóz jetkizildi.
Elbasymyz N.Á.Nazarbaev sybaılas jemqorlyqqa der kezinde toıtarys berilýin talap etip otyr. Sol sebepti ár memlekettik salada sybaılas jemqorlyqqa qarsy nátıjeli kúres júrgizý, ár azamattyń quqylyq múddesin jáne olardy aldyn ala jemqorlyq is-áreketterden qorǵaý, eskertý jáne jol bermeý, memlekettiń jemqorlyqqa qarsy saıasatyn nasıhattaý men halyqaralyq yntymaqtastyqty nyǵaıtýǵa baǵyttalǵan bolý kerek.
Sybaılas jemqorlyqqa qarsy kúres bir adamnyń emes, kópshiliktiń belsene at salysatyn isi. Sondyqtan «Kóp qorqytady, tereń batyrady» degendeı kópshilik birlesse, sybaılas jemqorlyqqa myqty tosqaýyl qoıylatyny sózsiz. Sybaılas jemqorlyqpen kúreste tek quqyqtyq organdar ǵana emes, azamattyq jáne qoǵamdyq uıymdar mańyzdy basymdyq berip, belsendilik tanytýlary qajet.
Zańǵa sáıkes sybaılas jemqorlyqpen kúresti barlyq memlekettik organdar men laýazymdy tulǵalar júrgizýi tıis dep aıqyndalǵan. Chapaev aýyldyq okrýginiń ujymy da Prezıdenttiń «Sybaılas jemqorlyqpen kúres» týraly Jarlyǵy men Joldaýyn shyn júrekpen qabyldady. Okrýgte 11500-nan astam halyq turady. Jarlyq pen Joldaýdyń maqsaty men kúres joldaryn ár turǵynǵa jetkizý úshin úgit nasıhat jumystary birinshi kezekke qoıyldy. Arnaıy is jospar jasalyp, onda sybaılas jemqorlyqty boldyrmaý, aldyn alý jáne kúresý joldary qarastyryldy. 7 adamnan arnaıy top quryldy. Top múshelerine qoǵamdyq uıymdary men aýyl belsendileri kirdi. Jumys josparyna saı, mekemelerde, saýda ortalyqtarynda «Sybaılas jemqorlyqpen kúres» týraly úgit nasıhat jumystary úzbeı júrgizilýde. Sonymen qatar, sybaılas jemqorlyqpen kúresý joldary jazylǵan úndeý paraqshalary taratyldy. Chapaev aýyldyq okrýgi ákimdigi «Nur Otan» partııasymen kelise otyryp birneshe mekemelerde Jarlyqtyń oryndalý barysyn bilý úshin tekserýler júrgizse, odan bólek Okrýgte «senim» telefonynyń nómirleri kórneki jerde ilinýli, al usynys jáne shaǵym jáshigi ákimdik ǵımaratynda ornalasqan. «Senim» telefonyna túsken jáne zań buzýshylyq týraly málimetter joq.
Sybaılas jemqorlyq – bul indet,ol bir kúnde sheshe salatyn sharýa emes. Bul indetpen kúres tek memleket tarapynan emes, búkil el bolyp jumylǵanda ǵana jeńýge bolatyny anyq.
