قازاقستان تۋماسى ساۋلە وماروۆانىڭ كانديداتۋراسى اقش قارجى مينيسترلىگى ۆاليۋتالىق باقىلاۋ باسقارماسىنىڭ باسشىسى قىزمەتىنە قاراستىرىلىپ جاتىر، دەپ حابارلايدى “ادىرنا” ۇلتتىق پورتالى Stan.kz اقپارات اگەنتتىگى سىلتەمە جاساپ.
وسىعان دەيىن بۇل قىزمەتكە ەكى ادام ۇمىتكەر بولعان. الايدا دەموكراتيالىق پارتيانىڭ ىشىندە ءوزارا تارتىس باستالعاندىقتان، اق ءۇي ەكى كانديداتۋرادان باس تارتادى. بۇدان سوڭ پروفەسسور ساۋلە وماروۆانى بۇل قىزمەتكە قاراستىرۋعا كىرىسەدى.
قازىرگى كەزدە بايدەننىڭ اكىمشىلىگى جاڭا ۇمىتكەردى تەكسەرىپ جاتىر.
"ساۋلە وماروۆانىڭ عىلىمي ەڭبەكتەرى ونىڭ جاڭا قىزمەتكە لايىق ەكەنىن ءتۇسىندىرىپ بەردى. ءوز زەرتتەۋلەرىندە ول كريپتوۆاليۋتانىڭ بانك سالاسىنا قانداي قاۋىپ توندىرەتىنىن جان-جاقتى كورسەتىپ بەردى. وسىدان كەيىن ونى باس بانك باقىلاۋشىسى قىزمەتىنە ۇسىنىلدى. باسقارما باسشىسى رەتىندە وماروۆا حانىم JPMorgan Chase جانە Citigroup سياقتى پروتسەستەردى باقىلاۋدى كۇشەيتۋگە تىرىسۋى مۇمكىن", – دەپ جازادى باسىلىم.
وسى جۇمىسقا جاقىن ادامدار وماروۆانىڭ كانديداتۋراسىن تەكسەرۋ ەندى عانا باستالعانىن ايتتى. جاقىن ۋاقىتتا نەمەسە كەلەسى جىلدىڭ باسىندا ۆاليۋتالىق باقىلاۋ باسقارماسىنىڭ باسشىسى قىزمەتىنە ۇسىنۋى مۇمكىن. ودان كەيىن سەناتتىڭ قولداۋى قاجەت. باسقارما باسشىسىن بەس جىلعا تاعايىندايدى.
"كورنەلل ۋنيۆەرسيتەتى زاڭ فاكۋلتەتىنىڭ بانك قۇقىعى پروفەسسورى ساۋلە وماروۆا ۆاليۋتالىق باقىلاۋ باسقارماسىنىڭ باسشىسى قىزمەتىنە ۇسىنىلدى. ەگەر سەناتتىڭ قولداۋىنا يە بولسا، ۋولل-ستريتتەگى ءىرى بانكتەر بۇرىنعى باسشىلارمەن بولعان جىلى قارىم-قاتىناستى كۇتپەسە دە بولادى", – دەيدى ماقالا اۆتورى.
ساۋلە وماروۆا قارجى ينستيتۋتتارىن رەتتەۋ، بانك قۇقىعى مەن حالىقارالىق جانە كورپوراتيۆتىك قارجى سالاسىن مەڭگەرگەن.
دجوردج بۋش پرەزيدەنت بولعان كەزدە ساۋلە وماروۆا قارجى مينيسترلىگىنىڭ رەتتەۋ ساياساتى بويىنشا ارنايى كەڭەسشىسى بولعان. Davis Polk & Wardwell زاڭگەرلىك فيرماسىندا بەس جىل جۇمىس ىستەپ شىقتى.
2014 جىلى كورنەلل ۋنيۆەرسيتەتىنىڭ زاڭ مەكتەبىنە كەلمەس بۇرىن، ول سولتۇستىك كارولينا ۋنيۆەرسيتەتىنىڭ زاڭ مەكتەبىندە پروفەسسور بولدى. وماروۆا، سونىمەن قاتار ممۋ، ۆيسكونسين ۋنيۆەرسيتەتى جانە سولتۇستىك-باتىس قۇقىق ۋنيۆەرسيتەتىن ءبىتىردى.
