يران اقش-پەن قاقتىعىستى رەتتەۋ جونىندەگى كەلىسىمنىڭ جەكەلەگەن تۇستارىنا قاتىستى ورتالىق ازيانىڭ بىرقاتار ەلىمەن كونسۋلتاتسيالار جۇرگىزىپ جاتىر. بۇل تۋرالى يراننىڭ تۇرىكمەنستانداعى ەلشىسى ءالي مودجتابا رۋزبەحاني بريفينگ بارىسىندا مالىمدەدى، دەپ حابارلايدى «ادىرنا» ءتىلشىسى Report-قا سىلتەمە جاساپ.
«بەلگىلى بولعانداي، اقش-پەن جاسالعان اتىستى توقتاتۋ تۋرالى كەلىسىم ازىرگە تولىققاندى جۇمىس ىستەپ تۇرعان جوق. قۇجاتقا قول قويىلعانىمەن، ونىڭ بىرقاتار تالابى ورىندالماي جاتىر. وزدەرىڭىز بىلەتىندەي، كەلىسىم پاكىستان، قاتار جانە تۇركيانىڭ اراعايىندىعىمەن قابىلداندى. ارينە، اقش پەن دەلدال ەلدەردىڭ ءوز مىندەتتەمەلەرىن تولىق ورىنداۋى قاجەت. ءبىز پاكىستانمەن كەلىسسوزدەر جۇرگىزىپ، ورتالىق ازيا ەلدەرىمەن كونسۋلتاتسيالار وتكىزىپ جاتىرمىز»، – دەدى ول.
ديپلوماتتىڭ ايتۋىنشا، اقش باسشىلىعى تاراپىنان ازىرگە ەشقانداي ناقتى قادام جاسالماعان.
«وسىعان بايلانىستى ءبىز اقش تاراپىنان بولۋى مۇمكىن كەزەكتى اسكەري اگرەسسيا ارەكەتتەرىنە تويتارىس بەرۋگە دايىندىق جاعدايىندا تۇرمىز»، – دەپ ناقتىلادى ەلشى.
