Qazaqstan týmasy Sáýle Omarovanyń kandıdatýrasy AQSh qarjy mınıstrligi valıýtalyq baqylaý basqarmasynyń basshysy qyzmetine qarastyrylyp jatyr, dep habarlaıdy “Adyrna” ulttyq portaly Stan.kz aqparat agenttigi silteme jasap.
Osyǵan deıin bul qyzmetke eki adam úmitker bolǵan. Alaıda Demokratııalyq partııanyń ishinde ózara tartys bastalǵandyqtan, aq úı eki kandıdatýradan bas tartady. Budan soń professor Sáýle Omarovany bul qyzmetke qarastyrýǵa kirisedi.
Qazirgi kezde Baıdenniń ákimshiligi jańa úmitkerdi tekserip jatyr.
"Sáýle Omarovanyń ǵylymı eńbekteri onyń jańa qyzmetke laıyq ekenin túsindirip berdi. Óz zertteýlerinde ol krıptovalıýtanyń bank salasyna qandaı qaýip tóndiretinin jan-jaqty kórsetip berdi. Osydan keıin ony bas bank baqylaýshysy qyzmetine usynyldy. Basqarma basshysy retinde Omarova hanym JPMorgan Chase jáne Citigroup sııaqty proesterdi baqylaýdy kúsheıtýge tyrysýy múmkin", – dep jazady basylym.
Osy jumysqa jaqyn adamdar Omarovanyń kandıdatýrasyn tekserý endi ǵana bastalǵanyn aıtty. Jaqyn ýaqytta nemese kelesi jyldyń basynda valıýtalyq baqylaý basqarmasynyń basshysy qyzmetine usynýy múmkin. Odan keıin Senattyń qoldaýy qajet. Basqarma basshysyn bes jylǵa taǵaıyndaıdy.
"Kornell ýnıversıteti zań fakýltetiniń bank quqyǵy professory Sáýle Omarova valıýtalyq baqylaý basqarmasynyń basshysy qyzmetine usynyldy. Eger senattyń qoldaýyna ıe bolsa, Ýoll-strıttegi iri bankter burynǵy basshylarmen bolǵan jyly qarym-qatynasty kútpese de bolady", – deıdi maqala avtory.
Sáýle Omarova qarjy ınstıtýttaryn retteý, bank quqyǵy men halyqaralyq jáne korporatıvtik qarjy salasyn meńgergen.
Djordj Býsh prezıdent bolǵan kezde Sáýle Omarova qarjy mınıstrliginiń retteý saıasaty boıynsha arnaıy keńesshisi bolǵan. Davis Polk & Wardwell zańgerlik fırmasynda bes jyl jumys istep shyqty.
2014 jyly Kornell ýnıversıtetiniń zań mektebine kelmes buryn, ol Soltústik Karolına ýnıversıtetiniń zań mektebinde professor boldy. Omarova, sonymen qatar MMÝ, Vıskonsın ýnıversıteti jáne Soltústik-Batys quqyq ýnıversıtetin bitirdi.
