يران پرەزيدەنتى بىرىككەن ۇلتتار ۇيىمى (بۇۇ) باس اسسامبلەياسىنىڭ 78-ءشى سەسسياسىنا قاتىسۋ ءۇشىن نيۋ-يورككە بارعان ءۇش كۇندىك ساپارىنىڭ سوڭىندا تەگەرانعا كەلىپ، ساز تاقتالاردىڭ قايتارىلاتىنىن مالىمدەدى، دەپ حابارلايدى “ادىرنا” ۇلتتىق پورتالى.
رايسي مادەني مۇرا، قولونەر جانە تۋريزم مينيسترلىگى مەن سىرتقى ىستەر مينيسترلىگىنىڭ كەيىنگى ارەكەتتەرى يران مۇراسىنىڭ ازات ەتىلۋىنە سەبەپ بولعانىن اتاپ ءوتتى.
«ءبىز ەلگە 3506 ساز تاقتايشانى قايتاردىق، قالعانى جاقىن ارادا قايتارىلادى»، - دەپ قوستى يران ۇكىمەتىنىڭ باسشىسى.
2019 جىلى يران اقش-تان احەمەنيدتەر ءداۋىرىنىڭ 30 000 تاقتايشالارىنىڭ زاڭسىز ساقتالعان كوللەكتسياسىن قايتارۋدى تالاپ ەتتى. ولاردى 1933 جىلى چيكاگو ۋنيۆەرسيتەتىنىڭ شىعىستانۋ ينستيتۋتىنىڭ ارحەولوگتارى پەرسەپوليستە (يراننىڭ فارس پروۆينتسياسى) يراندىق زەرتتەۋشىلەرمەن بىرلەسىپ جۇرگىزگەن قازبا جۇمىستارى كەزىندە تاپقان. وتكەن ءداۋىردىڭ قۇجاتتارى بار وسى جانە باسقا دا ساز تاقتايشالار 1935 جىلى چيكاگو ۋنيۆەرسيتەتىنىڭ شىعىستانۋ ينستيتۋتىنا وقۋعا جىبەرىلدى. يران بيلىگىنىڭ مالىمەتىنشە، امەريكالىقتار ولاردىڭ 150-ءىن 1948 جىلى، تاعى 200-ءىن 2001 جىلى قايتارعان، بىراق ەكسپوناتتاردىڭ كوپشىلىگى اقش-تا قالعان.
تامىز ايىندا يراننىڭ مادەني مۇرانى قورعاۋ ءمينيسترىنىڭ ورىنباسارى اقش بىرنەشە اي ىشىندە 20 مىڭنان استام احەمەنيدتەر ساز تاقتاسىن قايتارۋدى جوسپارلاپ وتىرعانىن ايتتى. ولار ءبىزدىڭ داۋىرىمىزگە دەيىنگى V عاسىرداعى احەمەنيدتەر يمپەرياسى مەن ۇلكەن تاياۋ شىعىس ايماعى تۋرالى ەكونوميكالىق، الەۋمەتتىك جانە ءدىني مالىمەتتەردى اشاتىن ماڭىزدى اقپارات كوزدەرى بولىپ تابىلادى.
