وبلىستىڭ تالانتتى سۋرەتشىلەرى ءوز شىعارماشىلىعى ارقىلى ۆاكتسيناتسيانىڭ ادام ومىرىنە قالاي اسەر ەتەتىنىن كورسەتتى. ولار تانىمال تيك-توك الاڭىندا ۆاكتسيناتسياعا شاقىرۋ تۋرالى سۋرەتتەرىن جاريالاپ الەم جەلىگە جۇكتەدى.
سۋرەتشىنىڭ ءبىرى ەركەعالي يمانعالي. ايتۋىنشا، قازىر ەشكىم قورعانۋدان شەت قالماۋى كەرەك.
- اۋرۋ كوپتەگەن ادامداردىڭ ءومىرىن قيدى، مەنىڭ ويىمشا، ءبىز ءبارىمىز بىرىككەندە عانا وسى قورقىنىشتى ۆيرۋستى جەڭە الامىز. ءبىز ءوز سۋرەتتەرىمىز ارقىلى ۆاكتسيناتسيالانباعان ادامنىڭ كوۆيدتى جۇقتىرۋ قاۋپى ۇلكەن ەكەنىن كورسەتەمىز", - دەدى ول.
ەستەرىڭىزگە سالا كەتەيىك، الماتى وبلىسىندا سوڭعى 2 اپتادا ىندەتتىڭ ءوسۋ قارقىنى 0,8% - دان 1,0% - عا دەيىن جەتتى.
سوڭعى اپتادا ەڭ جوعارى ءوسۋ قارقىنى الاكول، بالقاش، ەسكەلدى، قاراساي، قاراتال، كەربۇلاق، رايىمبەك، سارقان اۋداندارىندا جانە قاپشاعاي قالاسىندا بايقالادى.
سوڭعى تاۋلىكتە كۆي 300 جاعدايى تىركەلدى، ءوسۋ قارقىنى-0,9%. ونىڭ ىشىندە 266 سيمپتومدىق جانە 34 سيمپتومسىز جاعداي. ونىڭ ىشىندە 14 جاسقا دەيىنگى بالالاردىڭ كۆي انىقتالعان جاعدايلارى - 49, وقۋشىلار اراسىندا 30 جانە ستۋدەنتتەر اراسىندا 3 جاعداي.
6 تامىزداعى جاعداي بويىنشا الماتى وبلىسىندا بارلىعى كۆي زەرتحانالىق راستالعان 33 959 جاعداي تىركەلگەن.
