«اق جول» پارتياسىنىڭ باسشىسى ازات پەرۋاشەۆ وليمپيادا ويىندارىنىڭ العاشقى كۇندەرىندە تىكەلەي ەفيردىڭ بولماۋ سەبەپتەرى مەن جالپى سپورتتى دامىتۋعا قاتىستى ءوز پىكىرىن ءبىلدىردى.
«بۇگىن وليمپيادانىڭ العاشقى كۇندەرىندە تىكەلەي ەفيردىڭ بولماۋىنىڭ سەبەپتەرى تۋرالى اقپارات مينيسترلىگىنەن جاۋاپ الدىق.
ساۋدالاسۋدىڭ كەسىرىنەن ۇلتىمىز العاشقى كورسەتىلىمدەردى كورۋ مۇمكىندىگىنەن ايىرىلدى. ناتيجەسىندە، بيۋدجەتتىڭ 9 ملن دوللار قارجىسى ۇنەمدەلدى.
قازىرگى ەكونوميكالىق جاعدايدى ەسكەرەتىن بولساق، بۇل وتە ماقتاۋعا تۇرارلىق ارەكەت. الايدا مەن ءوز پىكىرىمنەن تايمايمىن، شەنەۋنىكتەر وسى جاعدايعا بايلانىستى ۋاقىتىندا تاباندىلىق تانىتقاندا، بۇل سۇراقتى الدىن الا شەشۋگە بولار ەدى.
سونىمەن قاتار، ۇنەمدەلگەن قاراجات «سپورتتى ناسيحاتتاۋعا» كەتكەن شىعىنداردىڭ تيىمسىزدىگىمەن سالىستىرۋعا كەلمەيدى. ءبىر مىسال: «اق جول» فراكتسياسى 13.04.2017 ج. دەپۋتاتتىق ساۋالىندا مادەنيەت جانە سپورت مينيسترلىگىنەن بۋرابايدا شاڭعى ءترامپلينى قۇرىلىسىنىڭ شىعىندارىن ءتۇسىندىرۋدى سۇرادى، ولار سول كەزدەگى باعام بويىنشا 38,5 ملرد تەڭگەنى نەمەسە 120 ملن دوللاردى قۇراعان ەدى.
سونىمەن بىرگە، سپورتتىڭ بۇل تۇرىمەن بۇكىل ەل بويىنشا بارلىعى 173 سپورتشى عانا اينالىساتىنى بەلگىلى بولدى. ونىڭ ۇستىنە، بۋرابايدا (ترامپلين سالىنعان جەردە) ەمەس، شقو مەن الماتىدا.جالپى، سپورتتىڭ ماڭىزدىلىعىنا قاراماستان، 173 ترامپليننەن وتە جاقسى سەكىرۋشىلەر ءۇشىن مەملەكەت 120 ملن $ (ارقايسىسىنا شامامەن 700 مىڭ $) ايامادى، ال 19 ميلليون قازاقستاندىق ءۇشىن ءدال سول مەملەكەت ارتىق 9 ملن $ ء(بىر ادامعا شامامەن 0,5 دوللار) تولەۋدى ىسىراپشىلدىق دەپ سانادى. جانە بۇل - كوپ مىسالدىڭ ءبىرى عانا.
ۇلكەندى-كىشىلى مۇنداي مىسالدار وتە كوپ، ونىڭ ىشىندە كوپتەگەن وتباسىلار ءۇشىن قول جەتىمدى ەمەس ۇلكەن كەشەندەر، شەتەلدىك لەگيونەرلەرگە بەرەتىن اسقاقتاعان اقىلار نەمەسە تۇركىستانداعى سۋ استىندا قالعان جاڭا ستاديون.
ولاردىڭ قاسىندا شىن مانىندە ۇلت دەنساۋلىعى ءۇشىن نەگىزى بۇقارالىق، ەڭ الدىمەن، بالالار مەن جاسوسپىرىمدەر سپورتى، ونىڭ پروبلەمالارى مەن قاجەتتىلىكتەرى شەنەۋنىكتەردىڭ وگەي بالاسى سەكىلدى بولىپ قالا بەرەدى.ساباقتان تىس ۋاقىتتا سپورت سەكتسيالارىن جۇرگىزەتىن دەنە شىنىقتىرۋ مۇعالىمدەرىنە ۇستەماقى، مىڭداعان جاسوسپىرىمدەر تۇراتىن اۋىلدار مەن قالا ماڭىندا سپورت ءۇشىن قولجەتىمدى جاعدايلار جاساۋ، سپورت بيۋدجەتتەرىن كاسىبي سپورتتان بجسم - گە قايتا ءبولۋ جانە ت.ب. سياقتى بۇل ماسەلەلەردى «اق جول» دەموكراتيالىق پارتياسىنىڭ دەپۋتاتتارى جىلدار بويى كوتەرىپ كەلەدى.
بىراق، ازىرگە بارلىق اكىمشىلىك فۋنكتسيالار اتقارۋشى ورگاندارداردىڭ قولىندا بولىپ تۇرعاندا ەشتەڭە وزگەرمەيدى. ولاردى ءبارى قاناعاتتاندىرادى، ولاردىڭ ءوز باسىمدىقتارى بار.
سوندىقتان دا قازىرگى وليمپيادانىڭ ناتيجەلەرى - شىنايى كورىنىس، زاڭدىلىق. ءتىپتى، وسى جول شەتتەن الىپ كەلگەن كەلىمسەك چەمپيونداردى دا شىعارۋ بۇيىرمادى. تىعىرىققا تىرەلدىك.
ارينە، بۇنداي جەڭىس تاپشىلىعىندا وليمپيادانىڭ قولا يەگەرى اتانعان قامشىبەك قونقاباەۆتى قوسا العاندا، قازىرگى وليمپياداشىلاردىڭ مەدالدارى نەعۇرلىم قۇندى. ولاردىڭ مەدالدارى - قالىپتاسقان ۇردىسكە قاراماستان، جەڭىسكە جەتىپ جاتقانىنىڭ جەمىسى ەكەنىن اتاپ ءوتۋ كەرەك. بۇل ۇلكەن كوپجىلدىق ەڭبەك جانە ۇلكەن باتىلدىق.
ولارعا ريزامىز جانە جەڭىستەرىمەن قۇتتىقتايمىز! ونىڭ ۇستىنە وليمپيادا جالعاسۋدا، ء“ۇمىتسىز شايتان” دەيمىز عوي» دەدى ول.
بۇل «اق جول» پارتياسىنىڭ سپورتقا قاتىستى العاشقى ۇسىنىسى ەمەس. 2017 جىلى پارتيا مۇشەلەرى ەل پرەمەرى بولعان باقىتجان ساعىنتاەۆقا ارنايى ۇسىنىس تاستاپ، ەلدىڭ وقۋ ورىندارىندا دەنە تاربيەسىنىڭ وقۋدان تىس ساباقتارى مەن سەكتسيالارىن كەڭەيتۋدى ۇسىنعان ەدى. دەپۋتاتتار وقۋشىلاردىڭ 30%-عا جەتپەيتىن بولىگى عانا سپورتپەن اينالىساتىنىن ايتىپ، 80% ءجاسوسپىرىم بالالار اراسىندا دەنساۋلىعىندا اۋىتقۋلار بارىن جەتكىزىپ، دابىل قاققان بولاتىن.
2020 جىلى پارتيا دەپۋتاتتارى تاعى دا ۇكىمەتكە ۇسىنىس جاساپ، ۇلتتىق مۇددەنى ەسكەرىپ جانە جەرگىلىكتى تۇرعىندارمەن اقىلداسا وتىرىپ، ءار اۋىلدى حالىق سانىنا سايكەس قولجەتىمدى، پايدالانۋعا ىڭعايلى، قاراپايىم مادەني جانە سپورت نىساندارىمەن قامتاماسىز ەتۋدىڭ جاڭا باعدارلاماسىن قابىلداۋدى سۇراعان بولاتىن.
«اق جول» پارتياسى لرت قۇرىلىسىن سىناپ، قىرۋار قارجىنىڭ پايداسىز نىسانعا جۇمسالىپ، سپورتتىق كەشەندەرگە نەگە جۇمسالماي جاتقانىن دا تالاي مارتە ايتقان ەدى.
"ادىرنا" ۇلتتىق پورتالى
