Azat Perýashev: Ár sekirýshige 700 myń dollardan keledi

2027

«Aq jol» partııasynyń basshysy Azat Perýashev olımpıada oıyndarynyń alǵashqy kúnderinde tikeleı efırdiń bolmaý sebepteri men jalpy sportty damytýǵa qatysty óz pikirin bildirdi.

«Búgin Olımpıadanyń alǵashqy kúnderinde tikeleı efırdiń bolmaýynyń sebepteri týraly aqparat mınıstrliginen jaýap aldyq.
Saýdalasýdyń kesirinen ultymyz alǵashqy kórsetilimderdi kórý múmkindiginen aıyryldy. Nátıjesinde, bıýdjettiń 9 mln dollar qarjysy únemdeldi.
Qazirgi ekonomıkalyq jaǵdaıdy eskeretin bolsaq, bul óte maqtaýǵa turarlyq áreket. Alaıda men óz pikirimnen taımaımyn, sheneýnikter osy jaǵdaıǵa baılanysty ýaqytynda tabandylyq tanytqanda, bul suraqty aldyn ala sheshýge bolar edi.
Sonymen qatar, únemdelgen qarajat «sportty nasıhattaýǵa» ketken shyǵyndardyń tıimsizdigimen salystyrýǵa kelmeıdi. Bir mysal: «Aq jol» frakııasy 13.04.2017 j. depýtattyq saýalynda Mádenıet jáne sport mınıstrliginen Býrabaıda shańǵy tramplıni qurylysynyń shyǵyndaryn túsindirýdi surady, olar sol kezdegi baǵam boıynsha 38,5 mlrd teńgeni nemese 120 mln dollardy quraǵan edi.
Sonymen birge, sporttyń bul túrimen búkil el boıynsha barlyǵy 173 sportshy ǵana aınalysatyny belgili boldy. Onyń ústine, Býrabaıda (tramplın salynǵan jerde) emes, ShQO men Almatyda.

Jalpy, sporttyń mańyzdylyǵyna qaramastan, 173 tramplınnen óte jaqsy sekirýshiler úshin memleket 120 mln $ (árqaısysyna shamamen 700 myń $) aıamady, al 19 mıllıon qazaqstandyq úshin dál sol memleket artyq 9 mln $ (bir adamǵa shamamen 0,5 dollar) tóleýdi ysyrapshyldyq dep sanady. Jáne bul - kóp mysaldyń biri ǵana.
Úlkendi-kishili mundaı mysaldar óte kóp, onyń ishinde kóptegen otbasylar úshin qol jetimdi emes úlken keshender, sheteldik legıonerlerge beretin asqaqtaǵan aqylar nemese Túrkistandaǵy sý astynda qalǵan jańa stadıon.
Olardyń qasynda shyn máninde ult densaýlyǵy úshin negizi buqaralyq, eń aldymen, balalar men jasóspirimder sporty, onyń problemalary men qajettilikteri sheneýnikterdiń ógeı balasy sekildi bolyp qala beredi.

Sabaqtan tys ýaqytta sport sekııalaryn júrgizetin dene shynyqtyrý muǵalimderine ústemaqy, myńdaǵan jasóspirimder turatyn aýyldar men qala mańynda sport úshin qoljetimdi jaǵdaılar jasaý, sport bıýdjetterin kásibı sporttan BJSM - ge qaıta bólý jáne t.b. sııaqty bul máselelerdi «Aq jol» demokratııalyq partııasynyń depýtattary jyldar boıy kóterip keledi.

Biraq, ázirge barlyq ákimshilik fýnkııalar atqarýshy organdardardyń qolynda bolyp turǵanda eshteńe ózgermeıdi. Olardy bári qanaǵattandyrady, olardyń óz basymdyqtary bar.
Sondyqtan da qazirgi olımpıadanyń nátıjeleri - shynaıy kórinis, zańdylyq. Tipti, osy jol shetten alyp kelgen kelimsek chempıondardy da shyǵarý buıyrmady. Tyǵyryqqa tireldik.
Árıne, bundaı jeńis tapshylyǵynda Olımpıadanyń qola ıegeri atanǵan Qamshybek Qonqabaevty qosa alǵanda, qazirgi olımpıadashylardyń medaldary neǵurlym qundy. Olardyń medaldary - qalyptasqan úrdiske qaramastan, jeńiske jetip jatqanynyń jemisi ekenin atap ótý kerek. Bul úlken kópjyldyq eńbek jáne úlken batyldyq.
Olarǵa rızamyz jáne jeńisterimen quttyqtaımyz! Onyń ústine Olımpıada jalǵasýda, “úmitsiz shaıtan” deımiz ǵoı» dedi ol.

Bul «Aq jol» partııasynyń sportqa qatysty alǵashqy usynysy emes. 2017 jyly partııa músheleri el premeri bolǵan Baqytjan Saǵyntaevqa arnaıy usynys tastap, eldiń oqý oryndarynda dene tárbıesiniń oqýdan tys sabaqtary men sekııalaryn keńeıtýdi usynǵan edi. Depýtattar oqýshylardyń 30%-ǵa jetpeıtin bóligi ǵana sportpen aınalysatynyn aıtyp, 80% jasóspirim balalar arasynda densaýlyǵynda aýytqýlar baryn jetkizip, dabyl qaqqan bolatyn.

2020 jyly partııa depýtattary taǵy da Úkimetke usynys jasap, ulttyq múddeni eskerip jáne jergilikti turǵyndarmen aqyldasa otyryp, ár aýyldy halyq sanyna sáıkes qoljetimdi, paıdalanýǵa yńǵaıly, qarapaıym mádenı jáne sport nysandarymen qamtamasyz etýdiń jańa baǵdarlamasyn qabyldaýdy suraǵan bolatyn.

«Aq jol» partııasy LRT qurylysyn synap, qyrýar qarjynyń paıdasyz nysanǵa jumsalyp, sporttyq keshenderge nege jumsalmaı jatqanyn da talaı márte aıtqan edi.

"Adyrna" ulttyq portaly

Pikirler
Redakııa tańdaýy