تالدىقورعان قالاسى اكىمىنىڭ ورىنباسارى جۇيەلىك نەگىزدە پارا العانى جانە بيزنەستى قورعاعانى ءۇشىن مونيتورينگتىك توپ مۇشەلەرىنىڭ ۇستالعانىنان كەيىن جۇمىستان بوساتىلدى

2007
Adyrna.kz Telegram

الماتى وبلىسى بويىنشا سىبايلاس جەمقورلىققا قارسى قىزمەتىنىڭ تەرگەۋ باسقارماسىنىڭ ءىس جۇرگىزۋىندە "تالدىقورعان قالاسىنىڭ كاسىپكەرلىك ءبولىمى" مم باسشىسى مەن ءبولىمنىڭ باس مامانىنا قاتىستى قر قك 366-بابىنىڭ 3-بولىگى 2, 4-تارماقتارى بويىنشا پارا الۋ فاكتىسى بويىنشا قىلمىستىق ءىس جاتىر.

بۇعان دەيىن حابارلانعانداي، وسى ءبولىمنىڭ باسشىسى ءوزىنىڭ قاراماعىنداعى باس مامانمەن ءسوز بايلاسىپ، "Covid – 19" كوروناۆيرۋستىق ينفەكتسيامەن كۇرەس بويىنشا داعدارىسقا قارسى شارالار كەزىندە ادامدار كوپ جينالاتىن ءىس-شارالاردى ۇيىمداستىرۋعا جانە وتكىزۋگە تىيىم سالىنعانىنا قاراماستان، جۇيەلىك نەگىزدە قالانىڭ رەستوراتورلارىنان جانە ولارعا قاتىستى اكىمشىلىك شارالار قابىلداماعانى ءۇشىن ساۋدا وكىلدەرىنەن 20 مىڭنان 270 مىڭ تەڭگەگە دەيىن پارا العان.

سونىمەن قاتار، جوعارىدا اتالعان پارا سوماسىن بەرگەن مەيرامحانالاردىڭ 5 اكىمشىسى قىلمىستىق جاۋاپكەرشىلىككە تارتىلماق.

قىلمىستىق ءىس اياسىندا الماتى وبلىسى بويىنشا سىبايلاس جەمقورلىققا قارسى قىزمەت باسشىلىعى تالدىقورعان قالاسى اكىمدىگىندە قالا اكىمىنىڭ قاتىسۋىمەن كەڭەس وتكىزدى. ونىڭ قورىتىندىسى بويىنشا الدىن الۋ شارالاردى قابىلداۋ ماقساتىندا، سونداي-اق وسى باعىتتاعى ءتيىستى باقىلاۋدىڭ بولماعانى ءۇشىن تالدىقورعان قالاسى اكىمىنىڭ ورىنباسارى س. ارزانبەكوۆا جۇمىستان بوساتىلدى.

قىلمىستىق ءىستى تەرگەۋ جۇمىستارى جالعاسۋدا.

پىكىرلەر