Almaty oblysy boıynsha Sybaılas jemqorlyqqa qarsy qyzmetiniń tergeý basqarmasynyń is júrgizýinde "Taldyqorǵan qalasynyń kásipkerlik bólimi" MM basshysy men bólimniń bas mamanyna qatysty QR QK 366-babynyń 3-bóligi 2, 4-tarmaqtary boıynsha para alý faktisi boıynsha qylmystyq is jatyr.
Buǵan deıin habarlanǵandaı, osy bólimniń basshysy óziniń qaramaǵyndaǵy bas mamanmen sóz baılasyp, "Covid – 19" koronavırýstyq ınfekııamen kúres boıynsha daǵdarysqa qarsy sharalar kezinde adamdar kóp jınalatyn is-sharalardy uıymdastyrýǵa jáne ótkizýge tyıym salynǵanyna qaramastan, júıelik negizde qalanyń restoratorlarynan jáne olarǵa qatysty ákimshilik sharalar qabyldamaǵany úshin saýda ókilderinen 20 myńnan 270 myń teńgege deıin para alǵan.
Sonymen qatar, joǵaryda atalǵan para somasyn bergen meıramhanalardyń 5 ákimshisi qylmystyq jaýapkershilikke tartylmaq.
Qylmystyq is aıasynda Almaty oblysy boıynsha sybaılas jemqorlyqqa qarsy qyzmet basshylyǵy Taldyqorǵan qalasy ákimdiginde qala ákiminiń qatysýymen keńes ótkizdi. Onyń qorytyndysy boıynsha aldyn alý sharalardy qabyldaý maqsatynda, sondaı-aq osy baǵyttaǵy tıisti baqylaýdyń bolmaǵany úshin Taldyqorǵan qalasy ákiminiń orynbasary S. Arzanbekova jumystan bosatyldy.
Qylmystyq isti tergeý jumystary jalǵasýda.
