دارىگەرلەر ۆاكتسينا ىندەتتەن 100% قورعاماسا دا، اۋىر حالگە تۇسۋدەن ساقتايدى دەيدى. مامانداردىڭ ايتۋىنشا، قاۋىپتى دەرتتىڭ قۇرىعىنا ىلىنگەندەر – ەكپە الماعاندار، دەپ حابارلادى "استانا" تەلەارناسى.
"بۇگىنگى ستاتيستيكانى قاراساڭىز، قازاقستاندا كوروناۆيرۋس ينفەكتسياسى بەلگىلەرى بار پنەۆمونيا مەن كوروناۆيرۋستان 149 ادام قايتىس بولدى. بارلىق ناۋقاس ۆاكتسينا الماعان. بۇل دەگەنىمىز تۇتاس 5 قاباتتى ءۇيدىڭ تۇرعىندارى قايتىس بولدى دەگەن ءسوز. ەگەر كۇندە قايتىس بولعاندار سانى وسىلاي وسە بەرسە، ءبىر كۇندە ءبىر اۋىلدى، اۋداندى جوعالتامىز. ول بىرەۋدىڭ اتا-اناسى، بىرەۋدىڭ بالاسى", - دەيدى ينفەكتسيونيست دارىگەر ساۋلە اتىعاەۆا.
ال امەريكالىق دەنساۋلىق ساقتاۋ قاۋىمداستىعىنىڭ مۇشەسى الماز شارمان ۆاكتسينانىڭ بالا سۇيۋگە تەرىس اسەرى جوق ەكەنىن مالىمدەدى.
"بۇگىنگى تاڭدا الەمدە 4 ميلليارد ءتۇرلى دوزا ۆاكتسينا سالىنعان. ۆاكتسينانىڭ قۇر ءوزى سOVID-19-دى تۋدىرمايتىنى انىق. ۆاكتسينا رەپرودۋكتيۆتى جۇيەنىڭ قىزمەتىن بۇزبايدى. سونداي-اق جاڭا تۋعان سابيدە ءتۇرلى اۋرۋ تۋدىرمايدى", - دەيدى الماز شارمان.
سوندىقتان ماماندار حالىقتىڭ 80 پايىزى ۆاكتسينالانبايىنشا كارانتيندى جەڭىلدەتپەۋ كەرەك دەپ سانايدى. ۇجىمدىق يممۋنيتەت قالىپتاسپاسا، ۇنەمى جاڭا تولقىندارمەن، جاڭا ىندەتتەرمەن كۇرەسۋگە تۋرا كەلەتىنىن ايتادى.
