قازاقستاندا ءبىر تاۋلىكتە كوروناۆيرۋس پەن پنەۆمونيادان 23 ادام قايتىس بولدى، دەپ حابارلادى دەنساۋلىق ساقتاۋ مينيسترلىگى.
ونىڭ ىشىندە 22 ادام كوروناۆيرۋستان، ءبىر ادام كوروناۆيرۋس بەلگىلەرى بار پنەۆمونيادان كوز جۇمدى.
19 ساۋىردەگى مالىمەت بويىنشا، 38 620 ادام كورونوۆيرۋس ينفەكتسياسىنان ەمدەلۋدە، ولاردىڭ ىشىندە 14 147 پاتسيەنت ستاتسيوناردا، 24 473 ناۋقاس امبۋلاتوريالىق دەڭگەيدە ەم قابىلداۋدا.
جالپى ناۋقاستار اراسىندا 674 ادامنىڭ جاعدايى اۋىر، 176 ادام وتە اۋىر جاعدايدا جاتىر. 99 ناۋقاس جاساندى تىنىس الۋ اپپاراتىنا قوسىلعان.
COVID-19: الماتى مەن نۇر-سۇلتاندا ءبىر تاۋلىكتە 1100-دەن استام ناۋقاس تىركەلدى
سونىمەن قاتار ءبىر تاۋلىكتە 2 719 ادامنان كوروناۆيرۋس انىقتالدى، 35 ادام پنەۆمونياعا شالدىقتى.
پاندەميا باستالعالى قازاقستاندا 289 720 ادام كوروناۆيرۋس جۇقتىردى، 3 406 ادام قايتىس بولدى.
2020 جىلدىڭ ءبىرىنشى تامىزىنان بەرى 51 879 ادام پنەۆمونياعا شالدىقتى، 751 ادام قايتىس بولدى.
