«كوروناۆيرۋس». 2019 جىلدىڭ كۇزىندە پايدا بولعان بۇل ىندەتتىڭ ءدۇيىم ەلدىڭ قاي سالاسىنا بولماسىن كەرى اسەرىن تيگىزگەنى انىق. اسىرەسە، قىزمەت كورسەتۋ سالاسىنا. كارانتين سالدارىنان تۋريزم، سۇلۋلىق سالونى ، بيزنەس سىندى قىزمەت كورسەتۋ سالالارى شىعىنعا ۇشىرادى. تۋريزم - ەل ەكونوميكاسى ءۇشىن وتە ماڭىزدى. ول الەۋمەتتىك-ەكونوميكالىق جاعىنان العا قاراي ىلگەرىلەۋدىڭ نەگىزگى كۇشى دەسەك تە بولادى. سوڭعى ونجىلدىقتا تۋريزم ەڭ قارقىندى دامىپ كەلە جاتقان سالالاردىڭ ءبىرى بولدى. الەمدىك دەڭگەيدە تۋريزم يندۋسترياسى 8,9 تريلليون كولەمىندە ۇلەس قوستى.
الايدا COVID – 19 پاندەميا جاعدايىندا بۇل ءوسىم 2020 جىلى توقتاتىلدى. بۇل ىندەت توقتاۋ ءۇشىن قاۋىپسىزدىك شارالارىن ەنگىزۋ كەرەك بولدى، سونىڭ ىشىندە: ەل شەكارالاردىن جابۋ، تۋريزم جانە ساياحاتقا تىيىم سالۋ، اۋەجايلاردىڭ جابىلۋى، رەيستەردىڭ توقتاتىلۋى.
COVID-19 تارالۋىن شەكتەۋ ءۇشىن دۇنيەجۇزىنىڭ 200-دەن استام ەلدەرى مەن اۋماقتارى تۋريستەردىڭ ءوز شەكارالارىنا كىرۋىنە شەكتەۋ قوياتىن نەمەسە تىيىم سالاتىن شارالار قابىلدادى. سونىمەن قاتار تاريحتا بۇرىن-سوڭدى حالىقارالىق ساياحاتقا مۇنداي شەكتەۋ قويىلماعان، - دەلىنگەن بۇۇ-نىڭ دۇنيەجۇزىلىك تۋريزم ۇيىمىنىڭ الدىنعى جىلى جاريالاعان ەسەبىندە.
ۆيرۋستىڭ تۇتانعان جەرى – قىتاي. سول ۇشىندە دە بۇل ەل ءبىرىنشى بولىپ كارانتيندىك شارالار ەنگىزىپ ، ازاماتتاردىڭ ءجۇرىپ-تۇرۋىن شەكتەدى. قىزىقتى فاكت: الەم بويىنشا ەڭ بەلسەندى تۋريستەر – قىتاي حالقىنىڭ ازاماتتارى ەكەن. ەپيدەميانىڭ تارالۋىن باسەڭدەتۋ ءۇشىن كوپتەگەن ەلدەر قىتاي ازاماتتارىنا كىرۋگە تىيىم سالدى. سودان كەيىن تۋريستىك نارىق داعدارىستىڭ كۇيزەلىستەرىن العاش رەت سەزىندى.
دەگەنمەن، قازىر تۋريزم سالاسىنىڭ بەتى بەرى قاراپ كەلەدى. بولاشاققا ارتار سەنىمىمىز مەن ءۇمىتىمىز مول! وسىنداي قيىن-قىستاۋ زاماندا وزدەرىڭىزگە جانە جاقىندارىڭىزعا قامقور بولىڭىزدار!
ءمولدىر كۋساين
