حالىقتىڭ وپپوزيتسياعا دەگەن سەنىمىن قالپىنا كەلتىرۋ جولىندا ەڭبەك ەتىپ جۇرگەن ساياساتكەر, قوعام قايراتكەرى ءامىرجان قوسانوۆ جۋرناليستەرگە بەرگەن سۇحباتىندا بۇعان دەيىن ەش جەردە ايتىلماعان قۇپيالارىنا اشىق توقتالدى. بۇل تۋرالى «ەۋرازيا» ءبىرىنشى ارناسى ايتتى، دەپ حابارلايدى «ادىرنا» ءتىلشىسى.
ساياساتكەر ءومىردە، ساياساتتا ادىلەتسىزدىكپەن كوپ كەزگىپ، ۇنەمى شىندىق جولىندا شىرىلداپ كەلەتىنىن جاسىرمادى. كەيدە وسى تىك مىنەزىنەن كوپشىلىك ونى تۇسىنبەي قالاتىن كەزدەر ءجيى بولاتىنىن جەتكىزدى. ءادىلدىك پەن ادىلەتتىلىكتىڭ جولىندا جۇرگەندىكتەن جەكە باسىنا شابۋىلدار جاسالىپ، ءومىرى تالاي رەت قىل ۇستىندە قالعان. قوعام قايراتكەرى ايەلىمەن ۇيىنە بارار جولدا كەزدەيسوق كوشەدەن قاراقشىلار ۇستاپ الىپ، سوققىعا جىعىپ ولتىرمەك بولعان.
«ءبىر وتىرىستان تۇندەلەتىپ كەلە جاتتىق. ءۇءيدىڭ قاسىنا جاقىنداي بەرگەنىمىزدە, بەتتەرىنە قارا ماسكا كيگەن 3-4 جىگىت اتىپ شىعىپ, ەكەۋمىزدى ۇرىپ-سوعا باستادى. مەنىڭ اياعىم اۋىر بولاتىن. ول ايعايلاپ جاتتى ايەلىمە تيمەڭدەر، اياعى اۋىر دەپ. مەن ايعايلاپ، جالىنىپ جاتتىم كۇيەۋىمدى ولتىرمەڭدەرشى دەپ... وسى كەزدە ۇستىڭگى قاباتتاعى ورىس اپا ويانىپ كەتىپ, ميليتسيا شاقىرتىپ امان قالدىق. سول كەزدە ءامىرجاندى قان-جوسا ەتىپ ساباپ كەتتى»,-دەدى ساياساتكەردىڭ جارى روزا قوسانوۆا.
ول وقيعا بويىنشا قىلمىستىق ءىس قوزعالعان بىراق,شابۋىل جاساعان جاندار سول بويى تابىلماعان.
ايگىلى «جەلتوقسان» وعيعاسىندا الاڭعا شىعىپ، اشىق ويىن بىلدىرگەن كوپتەگەن ستۋدەنتتەر كەيىن وقۋ ورىندارىنان قۋدالانعانى ايان. تاريحي قاندى ساتتەن كەيىن قۋدالانۋعا ۇشىراعان ستۋدەنتتەردءىڭ ءبىرازى ءامىرجان قوسانوۆتى «جەلتوقسان» وقيعاسىنا تىكەلەي قاتىسى بار دەپ ەسەپتەپ، سول كەزدەگى وقيعالار جەلىسىن بايانداي كەلە, ساياساتكەردىڭ حالىققا دەگەن العاش ساتقىندىعى ستۋدەنتتىك كەزەڭدە باستالعان دەپ سانايدى.
«مەن مىنا كازگۋ-گە 4 جىل ءوتىنىش بەرىپ ءجۇرىپ، ەمتيحاندى قايتا-قايتا تاپسىرىپ ءجۇرىپ وقۋعا تۇسكەنمىن. 1986 جىلى ەمتيحاننان ءوتىپ، ءوزىم ارمانداعان وقۋعا تۇسكەندە قۋانىشىم كوپكە جەتپەدى. 1986 جىلدىڭ «جەلتوقسان» كوتەرىلىسىنە تاپ بولىپ، وقۋدان قۋدالانىپ تىندىم. كازگۋ-دىڭ جۋرناليستيكا فاكۋلتەتى بويىنشا وقۋدان ناقتى شىعارىلعاندار گۇلنار اشىمبەكوۆا جانە مەن. سەبەبى ءبىز سىرتتاي بولىمنەن اۋىسىپ كەلگەن، ءالى ەشكىمدى دە دۇرىستاپ تانىمايتىن بولعاندىقتان، ەكەۋمىزدى قۇرباندىققا قيىپ جىبەردى دەپ ويلايمىن. سول كوتەرىلىس كەزىندە وقۋدان شىعۋىما ءبىرىنشى كومسومول بيۋروسىنىڭ توراعاسى تىكەلەي سەبەپشى بولدى. ول كەزدە توراعا سول - ءامىرجان قوسانوۆ ەدى. كەزىندە ارينە وكپەم بولدى، ويتكەنى ەشقانداي سەبەپسىز، دالەلسىز شىعارىپ جىبەردى. ونداي ارەكەت – يتتىك ارەكەت بولىپ ەسەپتەلەدى. مەن ءۇشىن سولاي!»،-دەدى «جەلتوقسان» وقيعاسىنا قاتىسۋشى امانعازى كارىپجانوۆ.
ەڭ العاشقى ماحابباتى 1-سىنىپتا ءلاززات دەگەن قىزعا بولعان، 19 جاسىندا شاشىنا اق ءتۇسىپ، مەكتەپ بىتىرەر جىلدارى «التىن بەلگى» ءۇشىن اكەسىنەن پارا سۇراعان قوعام قايراتكەرى ءامىرجان قوسانوۆ قازىرگى تاڭدا قوعامدىق جۇمىستارمەن عانا اينالىسىپ، وتباسىن اسىراۋعا ايىنا 700-800 مىڭداي قاراجات تاۋىپ جۇرگەنىن دە جاسىرمادى.
«ادىرنا» ۇلتتىق پورتالى
