Halyqtyń oppozıııaǵa degen senimin qalpyna keltirý jolynda eńbek etip júrgen saıasatker, qoǵam qaıratkeri Ámirjan Qosanov jýrnalısterge bergen suhbatynda buǵan deıin esh jerde aıtylmaǵan qupııalaryna ashyq toqtaldy. Bul týraly «Eýrazııa» birinshi arnasy aıtty, dep habarlaıdy «Adyrna» tilshisi.
Saıasatker ómirde, saıasatta ádiletsizdikpen kóp kezgip, únemi shyndyq jolynda shyryldap keletinin jasyrmady. Keıde osy tik minezinen kópshilik ony túsinbeı qalatyn kezder jıi bolatynyn jetkizdi. Ádildik pen ádilettiliktiń jolynda júrgendikten jeke basyna shabýyldar jasalyp, ómiri talaı ret qyl ústinde qalǵan. Qoǵam qaıratkeri áıelimen úıine barar jolda kezdeısoq kósheden qaraqshylar ustap alyp, soqqyǵa jyǵyp óltirmek bolǵan.
«Bir otyrystan túndeletip kele jattyq. Úıdiń qasyna jaqyndaı bergenimizde, betterine qara maska kıgen 3-4 jigit atyp shyǵyp, ekeýmizdi uryp-soǵa bastady. Meniń aıaǵym aýyr bolatyn. Ol aıǵaılap jatty áıelime tımeńder, aıaǵy aýyr dep. Men aıǵaılap, jalynyp jattym kúıeýimdi óltirmeńdershi dep... Osy kezde ústińgi qabattaǵy orys apa oıanyp ketip, mılıııa shaqyrtyp aman qaldyq. Sol kezde Ámirjandy qan-josa etip sabap ketti»,-dedi saıasatkerdiń jary Roza Qosanova.
Ol oqıǵa boıynsha qylmystyq is qozǵalǵan biraq,shabýyl jasaǵan jandar sol boıy tabylmaǵan.
Áıgili «Jeltoqsan» oǵıǵasynda alańǵa shyǵyp, ashyq oıyn bildirgen kóptegen stýdentter keıin oqý oryndarynan qýdalanǵany aıan. Tarıhı qandy sátten keıin qýdalanýǵa ushyraǵan stýdentterdiń birazy Ámirjan Qosanovty «Jeltoqsan» oqıǵasyna tikeleı qatysy bar dep eseptep, sol kezdegi oqıǵalar jelisin baıandaı kele, saıasatkerdiń halyqqa degen alǵash satqyndyǵy stýdenttik kezeńde bastalǵan dep sanaıdy.
«Men myna KazGÝ-ge 4 jyl ótinish berip júrip, emtıhandy qaıta-qaıta tapsyryp júrip oqýǵa túskenmin. 1986 jyly emtıhannan ótip, ózim armandaǵan oqýǵa túskende qýanyshym kópke jetpedi. 1986 jyldyń «Jeltoqsan» kóterilisine tap bolyp, oqýdan qýdalanyp tyndym. KazGÝ-dyń jýrnalıstıka fakýlteti boıynsha oqýdan naqty shyǵarylǵandar Gúlnar Áshimbekova jáne men. Sebebi biz syrttaı bólimnen aýysyp kelgen, áli eshkimdi de durystap tanymaıtyn bolǵandyqtan, ekeýmizdi qurbandyqqa qıyp jiberdi dep oılaımyn. Sol kóterilis kezinde oqýdan shyǵýyma birinshi Komsomol bıýrosynyń tóraǵasy tikeleı sebepshi boldy. Ol kezde Tóraǵa sol - Ámirjan Qosanov edi. Kezinde árıne ókpem boldy, óıtkeni eshqandaı sebepsiz, dálelsiz shyǵaryp jiberdi. Ondaı áreket – ıttik áreket bolyp esepteledi. Men úshin solaı!»,-dedi «Jeltoqsan» oqıǵasyna qatysýshy Amanǵazy Káripjanov.
Eń alǵashqy mahabbaty 1-synypta Lázzat degen qyzǵa bolǵan, 19 jasynda shashyna aq túsip, mektep bitirer jyldary «Altyn belgi» úshin ákesinen para suraǵan qoǵam qaıratkeri Ámirjan Qosanov qazirgi tańda qoǵamdyq jumystarmen ǵana aınalysyp, otbasyn asyraýǵa aıyna 700-800 myńdaı qarajat taýyp júrgenin de jasyrmady.
«Adyrna» ulttyq portaly
