بەلگىلى قازاقستاندىق ۆيزاجيست، بەت ارلەۋشى ساندي بەكسىرعا تۇركيانىڭ ستامبۋل قالاسىندا ءوز ءسان ستۋدياسىن اشتى دەپ حابارلايدى "ادىرنا" ۇلتتىق پورتالى.
بۇل تۋرالى ۆيزاجيست ءوزىنىڭ ينستاگرام پاراقشاسىندا جازىپ، وقىرماندارىنا جىلى لەبىزىن جولدادى.
"قىزدار، شىن ارماندار ورىندالادى! مەن وعان سەنەم. كەرەمەت كەزدەسۋ، جاڭا كەرەمەت الەمدiك دەڭگەيدەگi ازاماتپەن جۇمىس جاساۋ ماعان بۇيىرىپتى ! كوممەنتاري جازۋدى ۇمىتپاڭىزدار" — دەگەن ول تۇرىكتىڭ تانىمال جۇلدىزى مۇستافا ساندالعا گريم جاساپ، ونىمەن الداعى ۋاقىتتا جۇمىس ىستەيتىنىن جەتكىزدى.
ءۆيزاجيستىڭ جاڭا ءسان ستۋدياسىنىڭ اشىلۋىنا بەلگىلى ءانشى شاھيزادا مەن كامشات جولداباەۆا، ت.ب. ونەر ادامدارى قاتىسقان.
ايتا كەتۋ كەرەك، ساندي بەكسىرعانىڭ ستۋدياسى مەكتەپ جانە سالوننان تۇرادى. مەكتەبى حالىقارالىق ستاتۋس العان، كوپ شاكىرتى الەمنىڭ تۇكپىر-تۇكپىرىندە جۇمىس ىستەپ جاتىر. ول 10 كۇن ىشىندە كاسىبي مەيك-اپ جاساۋدى ۇيرەتىپ شىعارادى.
بۇگىنگە دەيىن ساندي قازاقستاندىق ءانشى ديماش قۇدايبەرگەن مەن نەمىس ءانشىسى C.C.Catch-ءتىڭ جەكە ءۆيزاجيستى اتاندى.
"ادىرنا" ۇلتتىق پورتالى.
