Belgili qazaqstandyq vızajıst, bet árleýshi Sandı Beksyrǵa Túrkııanyń Stambýl qalasynda óz sán stýdııasyn ashty dep habarlaıdy "Adyrna" ulttyq portaly.
Bul týraly vızajıst óziniń ınstagram paraqshasynda jazyp, oqyrmandaryna jyly lebizin joldady.
"Qyzdar, shyn armandar oryndalady! Men oǵan senem. Keremet kezdesý, jańa keremet álemdik deńgeıdegi azamatpen jumys jasaý maǵan buıyrypty ! Kommentarıı jazýdy umytpańyzdar" — degen ol túriktiń tanymal juldyzy Mustafa Sandalǵa grım jasap, onymen aldaǵy ýaqytta jumys isteıtinin jetkizdi.
Vızajıstiń jańa sán stýdııasynyń ashylýyna belgili ánshi Shahızada men Kámshat Joldabaeva, t.b. óner adamdary qatysqan.
Aıta ketý kerek, Sandı Beksyrǵanyń stýdııasy mektep jáne salonnan turady. Mektebi halyqaralyq statýs alǵan, kóp shákirti álemniń túkpir-túkpirinde jumys istep jatyr. Ol 10 kún ishinde kásibı meık-ap jasaýdy úıretip shyǵarady.
Búginge deıin Sandı qazaqstandyq ánshi Dımash Qudaıbergen men nemis ánshisi C.C.Catch-tiń jeke vızajısti atandy.
"Adyrna" ulttyq portaly.
