قىتاي بيلىگى ءۇشىنشى بالانىڭ ومىرگە كەلۋىنە قاتىستى قويىلعان بارلىق شەكتەۋدى الىپ تاستادى. بۇل تۋرالى قحر مەملەكەتتىك كەڭەسىنىڭ شەشىمىندە ايتىلدى، دەپ حابارلايدى «ادىرنا» ءتىلشىسى.
شەشىم حالىقتىڭ تەز قارتايۋىنا بايلانىستى ەلدەگى دەموگرافيالىق جاعدايدى ەسكەرە وتىرىپ قابىلداندى. وعان سايكەس، ەل ايىپپۇل مەن تۋدى شەكتەيتىن باسقا شارالاردىڭ كۇشىن جويدى.
"الەۋمەتتىك قامسىزداندىرۋعا قاراجات تولەۋ الىپ تاستالسىن. ايىپپۇلدار سالىنباسىن", — دەلىنگەن حابارلامادا.
زاڭدا ء"ۇش بالا ساياساتىنىڭ" نەگىزگى ماقساتتارى كورسەتىلگەن. 2025 جىلعا قاراي بالا تۋدى بەلسەندى قولداۋ جۇيەسىن قۇرۋ، بوسانعانعا دەيىنگى، بوسانعاننان كەيىنگى كەزەڭ مەن بوسانۋ ءۇشىن كورسەتىلەتىن قىزمەتتەر دەڭگەيىن ارتتىرۋ، بالانى تۋعا، كۇتىپ-باعۋعا، تاربيەلەۋگە جانە وقىتۋعا جۇمسالاتىن شىعىستاردى ايتارلىقتاي ازايتۋ جوسپارلانۋدا.
سونىمەن قاتار، بيلىك گەندەرلىك تەڭگەرىمسىزدىك ماسەلەسىن شەشۋگە، دەموگرافيالىق قۇرىلىم مەن حالىقتىڭ ساپاسىن وڭتايلاندىرۋعا نيەتتى.
«ادىرنا» ۇلتتىق پورتالى
