Qytai bilıgı üşınşı balanyŋ ömırge keluıne qatysty qoiylǧan barlyq şekteudı alyp tastady. Būl turaly QHR Memlekettık keŋesınıŋ şeşımınde aityldy, dep habarlaidy «Adyrna» tılşısı.
Şeşım halyqtyŋ tez qartaiuyna bailanysty eldegı demografiialyq jaǧdaidy eskere otyryp qabyldandy. Oǧan säikes, el aiyppūl men tuudy şekteitın basqa şaralardyŋ küşın joidy.
"Äleumettık qamsyzdandyruǧa qarajat töleu alyp tastalsyn. Aiyppūldar salynbasyn", — delıngen habarlamada.Zaŋda "üş bala saiasatynyŋ" negızgı maqsattary körsetılgen. 2025 jylǧa qarai bala tuudy belsendı qoldau jüiesın qūru, bosanǧanǧa deiıngı, bosanǧannan keiıngı kezeŋ men bosanu üşın körsetıletın qyzmetter deŋgeiın arttyru, balany tuuǧa, kütıp-baǧuǧa, tärbieleuge jäne oqytuǧa jūmsalatyn şyǧystardy aitarlyqtai azaitu josparlanuda. Sonymen qatar, bilık genderlık teŋgerımsızdık mäselesın şeşuge, demografiialyq qūrylym men halyqtyŋ sapasyn oŋtailandyruǧa niettı.
«Adyrna» ūlttyq portaly
Ūqsas jaŋalyqtar
