حانچجوۋداعى ازيا ويىندارىندا تورەشىگە سپورتشىنىڭ بالعاسى ءتيىپ كەتتى. Zakon.kz مالىمەتىنە سۇيەنسەك، تورەشىنىڭ ورتان جىلىگى سىنىپ كەتكەن، دەپ حابارلايدى “ادىرنا” ۇلتتىق پورتالى.
اقپاراتقا سايكەس، تورەشىنىڭ قازىر جاعدايى بىرقالىپتى.
وقىس وقيعا كۋۆەيتتىك سپورتشى ءالي زانكاۆيدىڭ بالعا لاقتىرۋ بويىنشا فينالدىق ونەر كورسەتۋى كەزىندە بولعان.
جوعارىعا كوتەرىلۋى ءتيىس بولعان بالعا وڭ جاققا ۇشىپ كەتىپ، تورەلىك ەتىپ وتىرعان تەحنيكالىق سۋديانىڭ ءدال اياعىنا قادالعان. قورقىپ كەتكەن زانكاۆي اياعىنان قان اتقىلاپ جاتقان 62 جاستاعى تورەشىگە قاراي جۇگىرەدى. سپورتشى تورەشىنىڭ اياعىن بايلاپ، قاندى توقتاتادى. كەيىننەن مەديتسينا قىزمەتكەرلەرى تورەشىنى الاڭنان الىپ كەتىپ، جاقىن ماڭدا ورنالاسقان اۋرۋحاناعا جەتكىزەدى.
اۋرۋحانادا وعان "ورتان جىلىكتىڭ اشىق سىنىعى" دەگەن دياگنوز قويىلدى. قازىر ونىڭ جاعدايى تۇراقتى، - دەدى ازيادا-2023 وكىلى سيۋي دەتسين پرەسس-كونفەرەنتسيا بارىسىندا.
