توكيودا جازعى وليمپيادا ويىندارىندا كوروناۆيرۋس ينفەكتسياسى بويىنشا 15 جاڭا جاعداي تىركەلدى دەپ حابارلايدى "ادىرنا" ۇلتتىق پورتالى تاسس اگەنتتىگىنە سىلتەمە جاساپ.
بۇل تۋرالى وليمپيادانىڭ ۇيىمداستىرۋ كوميتەتى مالىمدەگەن. اتاپ ايتساق، اۋىرعانداردىڭ اراسىندا وليمپيادا نىساندارىندا جۇمىس ىستەپ جۇرگەن 7 قىزمەتكەر، 2 جۋرناليست جانە جارىستى ۇيىمداستىرۋشى 6 ادام بار. سوڭعىلاردىڭ ءبىرى – توكيوداعى وليمپيادا قالاشىعى اۋماعىندا ۆيرۋستى العاشقى جۇقتىرعان ادام. ول شەتەلدىك قۇرامانىڭ مۇشەسى، بىراق سپورتشى ەمەس.
قازىرگى ۋاقىتتا جاپونياعا كەلگەن سپورتشىلاردان جانە بىرنەشە ەلدەن كەلگەن كوماندا مۇشەلەرىنەن كوروناۆيرۋس انىقتالىپ وتىر. ولار — يزرايل، ۋگاندا جانە سەربيانىڭ اتلەتتەرى، سونداي-اق نيگەريا مەن رەسەي قۇرامالارىنىڭ قوسالقى قىزمەتكەرلەرى.
ايتا كەتۋ كەرەك، توكيو وليمپياداسى بىلتىر 24 شىلدە مەن 9 تامىز ارالىعىندا ءوتۋى ءتيىس ەدى. الايدا پاندەمياعا بايلانىستى جارىس ءبىر جىلعا كەيىنگە قالدى، ەندى ول بيىعى جىلدىڭ 23 شىلدەسىنەن 8 تامىزعا دەيىن وتەدى.
ۇيىمداستىرۋشىلار ويىنداردى شەتەلدىك جانكۇيەرلەرسىز وتكىزۋگە شەشىم قابىلدادى، سونىمەن قاتار جەرگىلىكتى كورەرمەندەر توكيونى قوسا العاندا، التى جاپون پرەفەكتۋراسىندا وليمپيادا شارالارىنا جىبەرىلمەيدى. ال 12 شىلدەدەن باستاپ توكيودا ەپيدەميولوگيالىق احۋالدىڭ ناشارلاۋىنا بايلانىستى توتەنشە جاعداي رەجيمى قايتادان كۇشىنە ەنىپ، 22 تامىزعا دەيىن جالعاساتىن بولدى.
"ادىرنا" ۇلتتىق پورتالى.
