Tokıoda jazǵy Olımpıada oıyndarynda koronavırýs ınfekııasy boıynsha 15 jańa jaǵdaı tirkeldi dep habarlaıdy "Adyrna" ulttyq portaly TASS agenttigine silteme jasap.
Bul týraly Olımpıadanyń uıymdastyrý komıteti málimdegen. Atap aıtsaq, aýyrǵandardyń arasynda Olımpıada nysandarynda jumys istep júrgen 7 qyzmetker, 2 jýrnalıst jáne jarysty uıymdastyrýshy 6 adam bar. Sońǵylardyń biri – Tokıodaǵy olımpıada qalashyǵy aýmaǵynda vırýsty alǵashqy juqtyrǵan adam. Ol sheteldik quramanyń múshesi, biraq sportshy emes.
Qazirgi ýaqytta Japonııaǵa kelgen sportshylardan jáne birneshe elden kelgen komanda múshelerinen koronavırýs anyqtalyp otyr. Olar — Izraıl, Ýganda jáne Serbııanyń atletteri, sondaı-aq Nıgerııa men Reseı quramalarynyń qosalqy qyzmetkerleri.
Aıta ketý kerek, Tokıo Olımpıadasy byltyr 24 shilde men 9 tamyz aralyǵynda ótýi tıis edi. Alaıda pandemııaǵa baılanysty jarys bir jylǵa keıinge qaldy, endi ol bıyǵy jyldyń 23 shildesinen 8 tamyzǵa deıin ótedi.
Uıymdastyrýshylar oıyndardy sheteldik jankúıerlersiz ótkizýge sheshim qabyldady, sonymen qatar jergilikti kórermender Tokıony qosa alǵanda, alty japon prefektýrasynda olımpıada sharalaryna jiberilmeıdi. Al 12 shildeden bastap Tokıoda epıdemıologııalyq ahýaldyń nasharlaýyna baılanysty tótenshe jaǵdaı rejımi qaıtadan kúshine enip, 22 tamyzǵa deıin jalǵasatyn boldy.
"Adyrna" ulttyq portaly.
