16 شىلدەدە قازاقستاندىق وليمپيادالىق قۇرامانىڭ نەگىزگى بولىگى جاپونياعا اتتاندى، دەپ حابارلايدى "ادىرنا" ۇلتتىق پورتالى.
الماتىدان العاشقى رەيسپەن 128 ادام اتتاندى: سپورتشىلار، جاتتىقتىرۋشىلار، دارىگەرلەر، كۇردەلى عىلىمي توپتاردىڭ مۇشەلەرى جانە وليمپياداداعى قازاقستان ميسسياسىنىڭ قىزمەتكەرلەرى.
كاراتەشىلەر، ساداقشىلار، ۇستەل تەننيسى جانە سەمسەرلەسۋ كوماندالارى، اۋىر اتلەتتەر مەن بوكسشىلار توكيوعا "اقبۇلاق" وليمپيادا بازاسىنان جولعا شىقتى. جۇزۋشىلەر، سۋ پولو ويىنشىلارى، جەڭىل اتلەتتەر، ۆەلوسيپەدشىلەر، وق اتۋ كوماندالارى مەن دزيۋدوشىلار قالعان ەكى جاتتىعۋ بازاسىنان شىقتى.
سپورتشىلار ەكى اپتالىق كارانتيننەن جانە الماتى قالاسى مەن الماتى وبلىسىندا وتكەن وقۋ-جاتتىعۋ جيىندارىنان ءوتتى.
ء"بىز وليمپيادا ويىندارىنا سپورتشىلاردىڭ قاۋىپسىز تۇردە قاتىسۋى ءۇشىن حوك پەن توكيو-2020 ۇيىمداستىرۋ كوميتەتىنىڭ بارلىق شارتتارىن ورىندايمىز. ۇلتتىق وليمپيادا كوميتەتى، ۇلتتىق فەدەراتسيالار سپورتشىلاردىڭ دەنساۋلىعىنا قاۋىپ توندىرمەي، ساپالى دايىندالۋى ءۇشىن بارلىق مۇمكىندىكتى جاسادى. ءبىزدىڭ كومانداداعى 96 سپورتشى - بۇل جالپى كۇش-جىگەرىمىزدىڭ ناتيجەسى، قول جەتكىزۋگە بولاتىن ماكسيمۋم. ءبىز سپورتشىلار مەن جاتتىقتىرۋشىلارعا، سپورت دارىگەرلەرىنە ادال جانە ۇيلەسىمدى جۇمىسى ءۇشىن العىس ايتامىز", دەپ حابارلادى ۇلتتىق وليمپيادا كوميتەتى.
دەلەگاتسيانىڭ ءبىرىنشى بولىگى چارتەرلىك رەيسپەن الماتىدان توكيوعا ەرەكشە قاۋىپسىزدىك شارالارىمەن ۇشتى. دەلەگاتسيا، اۋەجاي قىزمەتكەرلەرى مەن اۆياكومپانيا اراسىنداعى بايلانىستار مينيمالدى دەڭگەيدە ساقتالادى. بارلىق اۆياتسيالىق پەرسونال ەكى رەت پتر سىناعىنان ءوتتى.
ەكىنشى رەيستە 28 شىلدەدە ونەر كورسەتۋ كەستەسىنە سايكەس بالۋاندار، كوركەم گيمناستيكا، كوركەم ءجۇزۋ، بەسسايىس بويىنشا كوماندالار جانە كەيبىر سپورتشىلار، جالپى العاندا - 43 ادام جاپونياعا اتتانادى.
وليمپيادا ويىندارىنداعى قازاقستاننىڭ ميسسياسى جاپونيادا 8 شىلدەدەن باستاپ جۇمىس ىستەيدى. قازاقستان ەلشىلىگى مەن سىرتقى ىستەر مينيسترلىگىنىڭ قولداۋىمەن سپورتشىلارمەن كەزدەسۋگە بارلىعى داپ-دايىن. ونىڭ ىشىندە جاتتىعۋعا ارنالعان قوسىمشا جابدىقتار دا بار.
بارلىعى قازاقستاننىڭ وليمپيادالىق قۇرامىنا 97 ليتسەنزيا جەڭىپ العان 96 سپورتشى كىرەدى.
وليمپيادانىڭ اشىلۋ سالتاناتى توكيو ستاديونىندا 23 شىلدەدە نۇر-سۇلتان ۋاقىتىمەن ساعات 17-دە باستالادى.
"ادىرنا" ۇلتتىق پورتالى
