بەلگىلى ايتىسكەر اقىن رينات زايتوۆ "ادىرنا" ۇلتتىق پورتالىنىڭ YouTube-ارناسىنا بەرگەن سۇحباتىندا ءماجىلىس سايلاۋىنا تۇسەتىنىن حابارلادى.
"زاڭ وزگەرىپ جاتىر. موجاريتارلىق ءوزىن-ءوزى ۇسىنۋ جۇيەسى بار. وسى سايلاۋدا مەن ءوز-ءوزىمدى ۇسىنامىن. قالعانىن قۇداي كورسەتەدى. مەن "مىنەزى بار" ادامداردان مەملەكەتتىڭ جاپا شەككەنىن كورگەن جوقپىن. كەزىندە ستولدى ۇرىپ تۇرىپ سويلەيتىن دەپۋتاتتار دا بولدى. امانگەلدى ايتالى، قاراتاي تۇرىسوۆ سىندى تالاي اعالارىمىز بولدى. جارىقتىق... مىسالى، ولار ەموتسيونالدى ادامدار. مۇحتار شاحانوۆ دەپۋتات بولدى. ول دا ەموتسيونالدى ادام ەدى. ول دا اقىن ەدى. ءبىر نارسەنى جاقسى بىلەمىن. مىنە، قازىرگى (VII شاقىرىلىمدا) وتىرعان دەپۋتاتتار بار عوي. 107 دەپۋتاتتىڭ ءوزىم تانيتىن 10-ىن بىلاي الايىن. وسىلار جۇمىس ىستەي الادى. قالعان 97-ءنىڭ جۇمىسىن مەن تانيتىن 5-اق ادام اتقارا الادى. قالعانىنىڭ نە ءۇشىن وتىرعانىن بىلمەيتىن ادامدار بار ىشىندە. نەگە بارماسقا؟! قالعانىنىڭ ءبارى سىلتاۋ. سەنى جولاتقىسى كەلمەيتىن ادامداردىڭ اڭگىمەسى. "سەنىڭ مىنەزىڭ بىلاي عوي، سەن زاڭدى بىلەسىڭ بە، سەن بىلاي ىستەي الماي قالمايسىڭ با؟"دەپ. بەتتەرىنە ايتامىن! جاناعى 107-ءنىڭ 20-ىن دەيىكشى جارايدى. مەن 87-نەن ارتىق دەپۋتات بولا الامىن. ءوزىمدى بىلەمىن", - دەيدى رينات زايتوۆ.
"ساياسي ءبىلىمىڭىز جەتكىلىكتى مە؟" دەپ ايتاتىندار دا بار...
"ايتسىن! ساياسي ءبىلىم دەگەن نە ول؟ ادىلەتسىزدىكتى كورۋ ءۇشىن قانشالىقتى ءبىلىم كەرەك؟! وتىرىك سايلاۋدىڭ بولىپ جاتقانىن كوزىڭمەن كورىپ تۇرۋىڭ ءۇشىن قانشالىقتى ءبىلىم كەرەك؟! كوشەدە قازاقتىڭ تەڭسىزدىك كورىپ جاتقانىن، قىزى قورلانىپ، ۇلى قامالىپ جاتقانىن كورۋ ءۇشىن قانشالىقتى ساياسي ساۋات كەرەك؟ وسىعان جاۋاپ بەرىڭىزدەرشى ماعان... بۇعان ساياسي ساۋات كەرەك جوق. بۇعان ماحاببات قانا كەرەك. وتانعا دەگەن، ءوزىڭنىڭ وتانداستارىنا دەگەن جانە ەرتەڭگى كەلەشەگىنە دەگەن سەنىم كەرەك، الدىعا قوياتىن ماقسات كەرەك!", - دەيدى ايتىسكەر اقىن.
"ادىرنا" ۇلتتىق پورتالى
