ءسابيدىڭ اناسى ەرەكشە جايتتى ۋاقىتىندا بايقاپ، دەر كەزىندە دابىل قاقتى. سونىڭ ارقاسىندا بىرنەشە جىلدان كەيىن بالا قاتەرلى ىسىكتەن تولىعىمەن ايىقتى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.
وقيعا اقش-تىڭ اتلانتا قالاسىندا بولعان. كىشكەنتاي اشەردىڭ اناسىنىڭ ايتۋىنشا، ول تۋعان كەزدە، ءسابيىن ءجيى سۋرەتكە تۇسىرگەن، بىراق ءتۇسىرىلىم كەزىندە ەشقاشان تەلەفون جارقىلىن قولدانباعان. وسى ەرەكشە جاعداي بالا 4 ايلىق بولعاندا انىقتالدى. تەلەفونداعى سۋرەتتەردى اينالدىرا وتىرىپ، ايەل ۇلىنىڭ كوزدەرى جارقىلعا كۇتپەگەندەي اسەر ەتكەنىن بايقايدى: ەگەر ءبىر كوزىنىڭ قاراشىعى تەلەفون جارقىلىمەن سۋرەتكە ءتۇسىرۋ كەزىندە ءجيى بولاتىن قىزىل تۇسكە بويالسا، ال ەكىنشىسى كەرىسىنشە كۇڭگىرت اق بولعان كورىنەدى.
تاعى بىرنەشە كادرلاردى تۇسىرگەننەن كەيىن، ول وسىنداي اسەر باسقا كادرلاردا دا كورىنەتىنىنە كوزى جەتتى.
ايەل بالاسىنىڭ كوزىندە قاتەرلىك ىسىك پايدا بولۋى مۇمكىن دەگەن توقتامعا كەلەدى. بۇنى انىقتاۋعا ونىڭ مەديتسينالىق كومەك كۋرسىن اياقتاۋى سەپتىگىن تيگىزىپتى. ماماندار اناسى كۇدىكتەنگەن دياگنوزدى راستاعان: ءسابيدىڭ رەتينوبلاستوما نەمەسە تورلى قابىقتىڭ قاتەرلى ىسىگىنە شالدىققان انىقتايدى.
گەنەتيكالىق اۋرۋ بالا كەزىنەن ەمبريونالدى تىننەن داميدى. بۇل وتە سيرەك كەزدەسەتىن دەرت. امەريكا قۇراما شتاتتارىندا جىل سايىن 300-گە جۋىق بالاعا وسىنداي دياگنوز قويىلادى، بىراق سونىمەن قاتار بۇل قاتاردا بالالارداعى ەڭ كوپ تارالعان كوز قاتەرلى ىسىگى ءتۇرى. ەمدەۋ دەر كەزىندە بولماعان جاعدايدا اياعى وكىنىشپەن اياقتالۋى مۇمكىن.
بارلىق جاعدايلار بەس جاسقا دەيىن انىقتالادى، بىراق اۋرۋدىڭ ەرتە ساتىسىندا ونى انىقتاۋ قيىنعا تۇسەدى. ويتكەنى نارەستە ءالى ەكى كوزبەن كورمەيتىنىن جانە ادەتتەگى جارىق كەزىندە كوزدىڭ ءوزى قالىپتى بولىپ كورىنەتىنىن تۇسىندىرە المايدى.
كىشكەنتاي اشەردىڭ جاسى قازىر جەتىدە جانە ونكولوگيالىق اۋرۋدان مۇلدەم ارىلعان. وڭ كوزىنىڭ كورۋ قابىلەتىنىڭ تومەندەۋىنە قاراماستان، ول تولىققاندى ءومىر سۇرەدى.
"ادىرنا" ۇلتتىق پورتالى
