Anasy túsirgen sýrettiń kómegimen balasynyń qaterli isikke shaldyqqanyn anyqtady

2032
Adyrna.kz Telegram

Sábıdiń anasy erekshe jaıtty ýaqytynda baıqap, der kezinde dabyl qaqty. Sonyń arqasynda birneshe jyldan keıin bala qaterli isikten tolyǵymen aıyqty, dep habarlaıdy «Adyrna» ulttyq portaly Stan.kz aqparat agenttigine silteme jasap.

Oqıǵa AQSh-tyń Atlanta qalasynda bolǵan. Kishkentaı Asherdiń anasynyń aıtýynsha, ol týǵan kezde, sábıin jıi sýretke túsirgen, biraq túsirilim kezinde eshqashan telefon jarqylyn qoldanbaǵan. Osy erekshe jaǵdaı bala 4 aılyq bolǵanda anyqtaldy. Telefondaǵy sýretterdi aınaldyra otyryp, áıel ulynyń kózderi jarqylǵa kútpegendeı áser etkenin baıqaıdy: eger bir kóziniń qarashyǵy telefon jarqylymen sýretke túsirý kezinde jıi bolatyn qyzyl túske boıalsa, al ekinshisi kerisinshe kúńgirt aq bolǵan kórinedi.

Taǵy birneshe kadrlardy túsirgennen keıin, ol osyndaı áser basqa kadrlarda da kórinetinine kózi jetti.

Áıel balasynyń kózinde qaterlik isik paıda bolýy múmkin degen toqtamǵa keledi. Buny anyqtaýǵa onyń medıınalyq kómek kýrsyn aıaqtaýy septigin tıgizipti. Mamandar anasy kúdiktengen dıagnozdy rastaǵan: sábıdiń retınoblastoma nemese torly qabyqtyń qaterli isigine shaldyqqan anyqtaıdy.

Genetıkalyq aýrý bala kezinen embrıonaldy tinnen damıdy. Bul óte sırek kezdesetin dert. Amerıka Qurama Shtattarynda jyl saıyn 300-ge jýyq balaǵa osyndaı dıagnoz qoıylady, biraq sonymen qatar bul qatarda balalardaǵy eń kóp taralǵan kóz qaterli isigi túri. Emdeý der kezinde bolmaǵan jaǵdaıda aıaǵy ókinishpen aıaqtalýy múmkin.

Barlyq jaǵdaılar bes jasqa deıin anyqtalady, biraq aýrýdyń erte satysynda ony anyqtaý qıynǵa túsedi. Óıtkeni náreste áli eki kózben kórmeıtinin jáne ádettegi jaryq kezinde kózdiń ózi qalypty bolyp kórinetinin túsindire almaıdy.

Kishkentaı Asherdiń jasy qazir jetide jáne onkologııalyq aýrýdan múldem arylǵan. Oń kóziniń kórý qabiletiniń tómendeýine qaramastan, ol tolyqqandy ómir súredi.

"Adyrna" ulttyq portaly

Pikirler