اقتوبە وبلىسىندا 6 اي ىشىندە 955 ملرد تەڭگەنىڭ ءونىمى ءوندىرىلىپ، ءوڭىر ەكونوميكاسىنا 276 ملرد تەڭگە ينۆەستيتسيا تارتىلعان دەپ حابارلايدى "ادىرنا" ۇلتتىق پورتالىنىڭ ءتىلشىسى.
بيىل جىل باسىنان بەرى وبلىستا اۋىل شارۋاشىلىعى ءونىمىنىڭ كولەمى 101,8 ملرد تەڭگەنى قۇراعان. بۇل وتكەن جىلدىڭ قاڭتار-ماۋسىم ايلارىمەن سالىستىرعاندا 2,3%-عا ارتىق. سونداي-اق بيىل التى اي ىشىندە ءوڭىر بويىنشا جالپى الاڭى 367 مىڭ شارشى مەتر تۇرعىن ءۇي پايدالانۋعا بەرىلگەن.
وبلىس اكىمى وڭداسىن ورازالين جيىن وتكىزىپ، اۋىل شارۋاشىلىعى تاۋارىن وندىرۋشىلەرگە جەمشوپ دايىنداۋعا سۋبسيديا تولەۋدى بارىنشا جەدەلدەتۋدى جانە قازىردەن باستاپ ولارعا وسى تولەم تۇرىنە قۇجاتتار راسىمدەۋگە كومەكتەسۋدى تاپسىردى.
بيىلعى جىلى بارلىعى 2,7 ملن توننا قىسقى جەمشوپ جيناۋ جوسپارلانۋدا. بۇل قور 1,5 جىلعا جەتەدى. شىلدەنىڭ باسىنداعى جاعداي بويىنشا جوسپار 30%-عا ورىندالعان.
ايتا كەتۋ كەرەك، بيىل جەم-ءشوپ باعاسىن ارزانداتۋ ءۇشىن اقتوبەلىك شارۋالارعا 6,5 ملرد تەڭگە سۋبسيديا بولىنەتىن بولدى.
"ادىرنا" ۇلتتىق پورتالى.
