Aqtóbe oblysynda 6 aı ishinde 955 mlrd teńgeniń ónimi óndirilip, óńir ekonomıkasyna 276 mlrd teńge ınvestıııa tartylǵan dep habarlaıdy "Adyrna" ulttyq portalynyń tilshisi.
Bıyl jyl basynan beri oblysta aýyl sharýashylyǵy óniminiń kólemi 101,8 mlrd teńgeni quraǵan. Bul ótken jyldyń qańtar-maýsym aılarymen salystyrǵanda 2,3%-ǵa artyq. Sondaı-aq bıyl alty aı ishinde óńir boıynsha jalpy alańy 367 myń sharshy metr turǵyn úı paıdalanýǵa berilgen.
Oblys ákimi Ońdasyn Orazalın jıyn ótkizip, aýyl sharýashylyǵy taýaryn óndirýshilerge jemshóp daıyndaýǵa sýbsıdııa tóleýdi barynsha jedeldetýdi jáne qazirden bastap olarǵa osy tólem túrine qujattar rásimdeýge kómektesýdi tapsyrdy.
Bıylǵy jyly barlyǵy 2,7 mln tonna qysqy jemshóp jınaý josparlanýda. Bul qor 1,5 jylǵa jetedi. Shildeniń basyndaǵy jaǵdaı boıynsha jospar 30%-ǵa oryndalǵan.
Aıta ketý kerek, bıyl jem-shóp baǵasyn arzandatý úshin aqtóbelik sharýalarǵa 6,5 mlrd teńge sýbsıdııa bólinetin boldy.
"Adyrna" ulttyq portaly.
