قىتايدا 24 جىل كورىسپەگەن اكە مەن بالا ۇزاق جىلداردان سوڭ قاۋىشتى. ادام ساۋداسىمەن اينالىساتىندار قىتايلىق ەر ادامنىڭ ۇلىن ءۇيىنىڭ الدىنان ۇرلاپ كەتكەن، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە بەرىپ.
گو گانتاننىڭ ۇلى ەكى جاسىندا 1997 جىلى شاندۋن پروۆينتسياسىندا ءۇيىنىڭ الدىندا ۇرلانعان.
51 جاستاعى ەر ادام قىتاي تەرريتورياسى بويىمەن سوڭعى جيىرما جىلدا 500 مىڭ شاقىرىم جەر ءجۇرىپ وتكەن. ۇلىن ىزدەۋ بارىسىندا ول ادامداردى فيلم تۇسىرۋگە ىنتالاندىرعان. 2015 جىلى ونىڭ وقيعاسىنا نەگىزدەلگەن «امان قالۋ» تۋىندىسى جارىق كورگەن.
بالانى ۇرلاعاندار ونى اقشاعا ساتپاق نيەتتە بولعان. پوليتسيا ونى دنق ارقىلى ىزدەپ، وتباسىمەن قاۋىشتىرعان.
گو گانتان سوڭعى 24 جىلدا جيىرمادان استام پروۆينتسيالاردى موتوتسيكلمەن ارالاپ اقپارات ىزدەگەن. وسى ساپارى كەزىندە سۇيەگىن سىندىرىپ، اپاتتارعا ءتۇسىپ، قاراقشىلارعا كەزىككەن.
اكەسى ۇلىنىڭ فوتوسىن ۇلكەن پلاكاتقا شىعارىپ، موتوتسيكلگە ءىلىپ قويىپ جۇرگەن. ونىڭ ءبىرشاماسى جول بويىنشا جىرتىلىپ كەتكەن ەكەن.
گو گانتان ءوز جيناعان قارجىسىن ۇلىن ىزدەستىرۋگە ارناعان. ول تۇندە كوپىردىڭ استىندا ۇيىقتاپ، ەلدەن قايىر تىلەگەن. سونداي-اق اتا-انالارعا ۇرلانعان بالالارىمەن قاۋىشۋىنا اتسالىسقان.
ول قىتايداعى ءىز-ءتۇسسىز جوعالعاندار ۇيىمىنىڭ بەلسەندى مۇشەسىنە اينالعان. سەبەبى ەلدە بالا ۇرلاۋ ۇلكەن پروبلەما، جىل سايىن مىڭداعان بالا ۇرلانادى.
ۇلدارى گو سينچجەندى 1997 جىلى ءۇيىنىڭ جانىندا ويناپ جۇرگەن جەرىنەن ەكى ەرلى-زايىپتى ۇرلاعان. پوليتسيانىڭ ايتۋىنشا، ايەل ونى ۇستاپ الىپ، كۇيەۋى كۇتىپ تۇرعان ايالداماعا اپارعان.
سودان كەيىن ەرلى-زايىپتىلار اۆتوبۋسپەن حەنان پروۆينتسياسىنا بارىپ، ونى ساتىپ جىبەرگەن. جوعالعان ۇلى گو سينچجەن قازىرگى ۋاقىتتا ۋنيۆەرسيتەتتە وقيدى، مۇعالىم بولىپ جۇمىس ىستەيدى.
ايتا كەتەيىك، قىتايدا جىل سايىن 20 000 بالا ۇرلانادى، ولاردىڭ كوبى اسىراپ الىنۋ ماقساتىندا ساتىلادى.
"ادىرنا" ۇلتتىق پورتالى
