Qytaıda 24 jyl kórispegen áke men bala uzaq jyldardan soń qaýyshty. Adam saýdasymen aınalysatyndar qytaılyq er adamnyń ulyn úıiniń aldynan urlap ketken, dep habarlaıdy «Adyrna» ulttyq portaly Stan.kz aqparat agenttigine silteme berip.
Go Gantannyń uly eki jasynda 1997 jyly Shandýn provınııasynda úıiniń aldynda urlanǵan.
51 jastaǵy er adam Qytaı terrıtorııasy boıymen sońǵy jıyrma jylda 500 myń shaqyrym jer júrip ótken. Ulyn izdeý barysynda ol adamdardy fılm túsirýge yntalandyrǵan. 2015 jyly onyń oqıǵasyna negizdelgen «Aman qalý» týyndysy jaryq kórgen.
Balany urlaǵandar ony aqshaǵa satpaq nıette bolǵan. Polıııa ony DNQ arqyly izdep, otbasymen qaýyshtyrǵan.
Go Gantan sońǵy 24 jylda jıyrmadan astam provınııalardy motoıklmen aralap aqparat izdegen. Osy sapary kezinde súıegin syndyryp, apattarǵa túsip, qaraqshylarǵa kezikken.
Ákesi ulynyń fotosyn úlken plakatqa shyǵaryp, motoıklge ilip qoıyp júrgen. Onyń birshamasy jol boıynsha jyrtylyp ketken eken.
Go Gantan óz jınaǵan qarjysyn ulyn izdestirýge arnaǵan. Ol túnde kópirdiń astynda uıyqtap, elden qaıyr tilegen. Sondaı-aq ata-analarǵa urlanǵan balalarymen qaýyshýyna atsalysqan.
Ol Qytaıdaǵy iz-tússiz joǵalǵandar uıymynyń belsendi múshesine aınalǵan. Sebebi elde bala urlaý úlken problema, jyl saıyn myńdaǵan bala urlanady.
Uldary Go Sınchjendi 1997 jyly úıiniń janynda oınap júrgen jerinen eki erli-zaıypty urlaǵan. Polıııanyń aıtýynsha, áıel ony ustap alyp, kúıeýi kútip turǵan aıaldamaǵa aparǵan.
Sodan keıin erli-zaıyptylar avtobýspen Henan provınııasyna baryp, ony satyp jibergen. Joǵalǵan uly Go Sınchjen qazirgi ýaqytta ýnıversıtette oqıdy, muǵalim bolyp jumys isteıdi.
Aıta keteıik, Qytaıda jyl saıyn 20 000 bala urlanady, olardyń kóbi asyrap alyný maqsatynda satylady.
"Adyrna" ulttyq portaly
