شىمكەنت اكىمى جۋرناليستەردى كاسىبي مەرەكەلەرىمەن قۇتتىقتادى

3344
Adyrna.kz Telegram

28 ماۋسىم – بۇقارالىق اقپارات قۇرالدارى قىزمەتكەرلەرىنىڭ مەرەكەسىنە وراي شىمكەنت قالاسىنىڭ اكىمى مۇرات ايتەنوۆ بىرقاتار جۋرناليستەردى ماراپاتتادى.

جيىندا باق سالاسىندا ادال ەڭبەك ەتىپ جۇرگەن بارشا ازاماتتارعا العىس ايتىپ، ىزگى تىلەگىن جولدادى.

- اقپارات سالاسى – قوعامدىق پىكىر قالىپتاستىرۋشى عانا ەمەس، قوعامدىق سانانى قالىپتاستىرۋشى سالا. سىزدەر ۇلت مۇددەسىن بارىنەن بيىك قويىپ، ەل قامى ءۇشىن قاسيەتتى قالام سەرتىن ادال اتقارىپ كەلەسىزدەر. مەملەكەت پەن قوعامنىڭ اراسىنا التىن كوپىر بولىپ، قاشان دا قايناعان تىرشىلىك ورتاسىنان تابىلاسىزدار. پاندەميا جاعدايىندا دا تونگەن قاۋىپتى ەلەمەي، حالىققا شۇعىل اقپارات تاراتىپ، ايانباي ەڭبەك ەتتىڭىزدەر. جاقسىلىقتىڭ جارشىسى بولىپ، ۇلتقا قىزمەت ەتۋدىڭ عاجاپ ۇلگىسىن كورسەتە بەرىڭىزدەر! - دەدى قالا اكىمى.

سونىمەن بىرگە، مەرەكەلىك شارادا قالانىڭ قوعامدىق-ساياسي، الەۋمەتتىك-ەكونوميكالىق جانە مادەني ومىرىندەگى جاڭالىقتاردى، جاقسى ىستەردى كوپشىلىككە جەتكىزىپ، ءتۇرلى ماسەلەلەردى شەشۋ جولىندا بەلسەنە قالام تارتقانى، سونداي-اق، جوعارى كاسىبيلىگى، شىنشىلدىعى ءۇشىن جۋرناليستەرگە تولبەلگىلەر مەن ارنايى نوميناتسيالار تابىستادى.

بۇگىنگى تاڭدا شىمكەنت قالاسىندا 176 بۇقارالىق اقپارات قۇرالدارى جۇمىس جاساۋدا. ونىڭ ىشىندە – 123-ءى مەرزىمدى ءباسپاسوز باسىلىمدارى، 106 گازەت، 17 جۋرنال، 4 تەلەارنا، 2 راديو جانە 47 اقپاراتتىق پورتال. اتالعان باق-تىڭ 95-ءى نەمەسە 58% مەملەكەتتىك تىلدە، 28-ءى مەملەكەتتىك جانە ورىس تىلدەرىندە، 52-ءى ورىس تىلىندە، 1-ءۋى وزبەك تىلىندە شىعارىلادى. ولار ءۇشىنشى مەگاپوليستە اتقارىلىپ جاتقان يگى ىستەردىڭ ءتيىمدى ناسيحاتتالۋىنا اتسالىسىپ كەلەدى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر