28 maýsym – buqaralyq aqparat quraldary qyzmetkerleriniń merekesine oraı Shymkent qalasynyń ákimi Murat Áıtenov birqatar jýrnalısterdi marapattady.
Jıynda BAQ salasynda adal eńbek etip júrgen barsha azamattarǵa alǵys aıtyp, izgi tilegin joldady.
- Aqparat salasy – qoǵamdyq pikir qalyptastyrýshy ǵana emes, qoǵamdyq sanany qalyptastyrýshy sala. Sizder ult múddesin bárinen bıik qoıyp, el qamy úshin qasıetti qalam sertin adal atqaryp kelesizder. Memleket pen qoǵamnyń arasyna altyn kópir bolyp, qashan da qaınaǵan tirshilik ortasynan tabylasyzdar. Pandemııa jaǵdaıynda da tóngen qaýipti elemeı, halyqqa shuǵyl aqparat taratyp, aıanbaı eńbek ettińizder. Jaqsylyqtyń jarshysy bolyp, ultqa qyzmet etýdiń ǵajap úlgisin kórsete berińizder! - dedi qala ákimi.
Sonymen birge, merekelik sharada qalanyń qoǵamdyq-saıası, áleýmettik-ekonomıkalyq jáne mádenı ómirindegi jańalyqtardy, jaqsy isterdi kópshilikke jetkizip, túrli máselelerdi sheshý jolynda belsene qalam tartqany, sondaı-aq, joǵary kásibıligi, shynshyldyǵy úshin jýrnalısterge tólbelgiler men arnaıy nomınaııalar tabystady.
Búgingi tańda Shymkent qalasynda 176 buqaralyq aqparat quraldary jumys jasaýda. Onyń ishinde – 123-i merzimdi baspasóz basylymdary, 106 gazet, 17 jýrnal, 4 telearna, 2 radıo jáne 47 aqparattyq portal. Atalǵan BAQ-tyń 95-i nemese 58% memlekettik tilde, 28-i memlekettik jáne orys tilderinde, 52-i orys tilinde, 1-ýi ózbek tilinde shyǵarylady. Olar úshinshi megapolıste atqarylyp jatqan ıgi isterdiń tıimdi nasıhattalýyna atsalysyp keledi.
Shymkent qalasy ákimdiginiń baspasóz qyzmeti
