شىمكەنت قالاسىنىڭ اكىمى مۇرات ايتەنوۆ قالاداعى بىرقاتار ينجەنەرلىك-ينفراقۇرىلىم نىساندارىنىڭ قۇرىلىس بارىسىن ارالاپ كوردى.
قالا اكىمى «كومەشبۇلاق» سۋ جيناقتاۋشىسىنان «تۇران» شاعىناۋدانى اينالما جولىنا دەيىنگى 3 ماگيسترالدى سۋاققىنىڭ قۇرىلىس الاڭىنا باردى.
تۇران شاعىناۋدانىندا «كومەشبۇلاق» سۋ جيناقتاۋشىسىنان باستاپ اينالما جولعا دەيىن ۇزىندىعى 4,48 شاقىرىم سۋ تارتقىشىنىڭ 2 جەلىسىن سالۋ جۇمىستارى جۇرگىزىلۋدە.
باس مەردىگەر – «سارىاعاش-امان» جشس. قۇرىلىس جۇمىستارى 2020 جىلدىڭ مامىر ايىندا باستالعان بولاتىن. مەردىگەر مەكەمە قۇرىلىستى بيىل قىركۇيەك ايىندا اياقتاۋدى جوسپارلاپ وتىر.
سۋ قۇبىرلارىنىڭ ۇزىندىعى – 11,378 شاقىرىم. بۇگىنگە دەيىن 6,262 شاقىرىم قۇبىر جۇمىستارى اياقتالدى.
قالا اكىمى جاۋاپتى مەردىگەرلەرگە جۇمىستى ساپالى ءارى ءتيىستى مەرزىمدە اياقتاۋدى تاپسىردى.
شىمكەنت قالاسى اكىمدىگىنىڭ ءباسپاسوز قىزمەتى