Shymkent qalasynyń ákimi Murat Áıtenov qaladaǵy birqatar ınjenerlik-ınfraqurylym nysandarynyń qurylys barysyn aralap kórdi.
Qala ákimi «Kómeshbulaq» sý jınaqtaýshysynan «Turan» shaǵynaýdany aınalma jolyna deıingi 3 magıstraldy sýaqqynyń qurylys alańyna bardy.
Turan shaǵynaýdanynda «Kómeshbulaq» sý jınaqtaýshysynan bastap aınalma jolǵa deıin uzyndyǵy 4,48 shaqyrym sý tartqyshynyń 2 jelisin salý jumystary júrgizilýde.
Bas merdiger – «Saryaǵash-Aman» JShS. Qurylys jumystary 2020 jyldyń mamyr aıynda bastalǵan bolatyn. Merdiger mekeme qurylysty bıyl qyrkúıek aıynda aıaqtaýdy josparlap otyr.
Sý qubyrlarynyń uzyndyǵy – 11,378 shaqyrym. Búginge deıin 6,262 shaqyrym qubyr jumystary aıaqtaldy.
Qala ákimi jaýapty merdigerlerge jumysty sapaly ári tıisti merzimde aıaqtaýdy tapsyrdy.
Shymkent qalasy ákimdiginiń baspasóz qyzmeti
