الەۋمەتتىك جاعىنان وسال توپتاعى ازاماتتارعا اي سايىن قارجىلاي قولداۋ كورسەتىلۋدە

1404
Adyrna.kz Telegram

حالىقتىڭ الەۋمەتتىك جاعىنان وسال توپتارىن قورعاۋ – باسىم باعىتتاردىڭ ءبىرى. شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسى تاراپىنان الەۋمەتتىك قامسىزداندىرۋ باعىتىندا جىلدان-جىلعا اۋقىمدى جۇمىستار اتقارىلۋدا.

حالىقتىڭ الەۋمەتتىك جاعىنان قورعالاتىن توپتار ساناتىنا ۇلى وتان سوعىسىنىڭ مۇگەدەكتەرى مەن قاتىسۋشىلارى، سونداي-اق ولارعا تەڭەستىرىلگەن ازاماتتار; I ،ءىى جانە III توپتاعى مۇگەدەكتەر، مۇگەدەك بالالارى بار نەمەسە ولاردى تاربيەلەۋشى وتباسىلارى; كوپ بالالى نەمەسە از قامتاماسىز ەتىلگەن وتباسىلار; زاڭداردا بەلگىلەنگەن تارتىپپەن بەكىتىلەتىن اۋرۋلار تىزىمىندە اتالعان كەيبىر سوزىلمالى اۋرۋلاردىڭ اۋىر تۇرلەرىمەن اۋىراتىن ادامدار; جاسىنا قاراي زەينەت دەمالىسىنا شىققان زەينەتكەرلەر جانە كامەلەتكە تولعانعا دەيىن اتا-انالارىنان ايىرىلعان 18 جاسقا جەتپەگەن جەتىم بالالار جاتادى جانە ت.ب. ازاماتتار كىرەدى.

شىمكەنت قالاسى ءماسليحاتىنىڭ شەشىمىنە سايكەس، شىمكەنتتە 125-تەن استام 80 جاستان اسقان جالعىزىلىكتى قاريالارعا 2 اەك، ياعني 5834 تەڭگەدەن اي سايىن قارجىلاي كومەك بەرىلەدى. مامانداندىرىلعان تۋبەركۋلەزگە قارسى مەديتسينالىق ۇيىمنىڭ تىزىمىنە سايكەس، تۋبەركۋلەزدىڭ جۇقپالى تۇرىمەن اۋىراتىن ادامدارعا 5 اەك، ياعني، 14 585 تەڭگەدەن اي سايىن قارجىلاي كومەك تولەنەدى.

مامانداندىرىلعان يممۋندى جۇقتىرعان ۆ-20 اۋرۋىمەن اۋىراتىندارعا 24 اەك ياعني، 70 008 تەڭگەدەن اي سايىن قارجىلاي كومەك كورسەتىلۋدە. كامەلەتكە جاسقا تولماعان اتا-انالارىنان ايىرىلعان 18 جاسقا دەيىنگى 794 بالاعا 20 اەك ياعني، 58 340 تەڭگەدەن ءبىر رەتتىك اقشالاي كومەك تولەنەدى.

شىمكەنت قالاسىندا جالپى اي سايىنعى جانە ءبىر رەتتىك جۇرگىزىلەتىن قارجىلاي كومەكتەردىڭ 13 ءتۇرى جۇزەگە اسىرىلۋدا.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر