Halyqtyń áleýmettik jaǵynan osal toptaryn qorǵaý – basym baǵyttardyń biri. Shymkent qalasy jumyspen qamtý jáne áleýmettik qorǵaý basqarmasy tarapynan áleýmettik qamsyzdandyrý baǵytynda jyldan-jylǵa aýqymdy jumystar atqarylýda.
Halyqtyń áleýmettik jaǵynan qorǵalatyn toptar sanatyna Uly Otan soǵysynyń múgedekteri men qatysýshylary, sondaı-aq olarǵa teńestirilgen azamattar; I ,II jáne III toptaǵy múgedekter, múgedek balalary bar nemese olardy tárbıeleýshi otbasylary; kóp balaly nemese az qamtamasyz etilgen otbasylar; zańdarda belgilengen tártippen bekitiletin aýrýlar tiziminde atalǵan keıbir sozylmaly aýrýlardyń aýyr túrlerimen aýyratyn adamdar; jasyna qaraı zeınet demalysyna shyqqan zeınetkerler jáne kámeletke tolǵanǵa deıin ata-analarynan aıyrylǵan 18 jasqa jetpegen jetim balalar jatady jáne t.b. azamattar kiredi.
Shymkent qalasy máslıhatynyń sheshimine sáıkes, Shymkentte 125-ten astam 80 jastan asqan jalǵyzilikti qarııalarǵa 2 AEK, ıaǵnı 5834 teńgeden aı saıyn qarjylaı kómek beriledi. Mamandandyrylǵan týberkýlezge qarsy medıınalyq uıymnyń tizimine sáıkes, týberkýlezdiń juqpaly túrimen aýyratyn adamdarǵa 5 AEK, ıaǵnı, 14 585 teńgeden aı saıyn qarjylaı kómek tólenedi.
Mamandandyrylǵan ımmýndy juqtyrǵan V-20 aýrýymen aýyratyndarǵa 24 AEK ıaǵnı, 70 008 teńgeden aı saıyn qarjylaı kómek kórsetilýde. Kámeletke jasqa tolmaǵan ata-analarynan aıyrylǵan 18 jasqa deıingi 794 balaǵa 20 AEK ıaǵnı, 58 340 teńgeden bir rettik aqshalaı kómek tólenedi.
Shymkent qalasynda jalpy aı saıynǵy jáne bir rettik júrgiziletin qarjylaı kómekterdiń 13 túri júzege asyrylýda.
Shymkent qalasy ákimdiginiń baspasóz qyzmeti
