2021 جىلعى 8 شىلدەدەگى قازاقستان رەسپۋبليكاسى ۇكىمەتىنىڭ قاۋلىسىمەن «تاۋەلسىزدىك ۇرپاقتارى» گرانتى قۇرىلدى، دەپ حابارلايدى "ادىرنا".
گرانتتى تاعايىنداۋ ماقساتى بەلسەندى جاستاردىڭ قوعامداستىعىن قالىپتاستىرۋعا باعىتتالعان جاس بۋىننىڭ جاڭا جانە قولدانىستاعى باستامالارىن مەملەكەتتىك قولداۋ بولىپ تابىلادى، دەلىنگەن قۇجاتتا.
گرانت بەرۋدىڭ مىندەتتەرى:
- دارىندى جانە ىنتالى جاستاردى قولداۋ;
- ەلدىڭ الەۋمەتتىك-ەكونوميكالىق دامۋى ءۇشىن پراكتيكالىق قىزىعۋشىلىق تۋدىراتىن جاستاردىڭ
- يننوۆاتسيالىق جوبالارى مەن عىلىمي-تەحنيكالىق ازىرلەمەلەرىن انىقتاۋ جانە قولداۋ;
- جاستارعا ارنالعان جاڭا جانە قولدانىستاعى ستارتاپ-جوبالاردى ىسكە اسىرۋعا كومەك;
- جاستار اراسىنداعى شىعارماشىلىق قىزمەتتى تانىمال ەتۋ.
گرانتتىڭ مولشەرى مەن سانىن ۇكىمەت جىل سايىن انىقتايدى.
گرانتتار كونكۋرستىق نەگىزدە كەلەسى باعىتتار بويىنشا قازاقستان رەسپۋبليكاسىنىڭ ازاماتتارىنا جاڭا يدەيالار مەن باستامالاردى جۇزەگە اسىرۋ ءۇشىن بەرىلەدى:
- «عىلىم» - عىلىمنىڭ باسىم سالالارىندا جاڭا عىلىمي جوبالار مەن زەرتتەۋلەردى جۇزەگە اسىرۋ ءۇشىن;
- «مادەنيەت» - قازاقستاننىڭ مادەني مۇراسىن تانىمال ەتۋگە، حالىقتىق مادەني داستۇرلەر مەن ونەردى ناسيحاتتاۋعا باعىتتالعان جوبالاردى ىسكە اسىرۋ ءۇشىن;
- «اقپاراتتىق تەحنولوگيالار» - جاڭا ءىت شەشىمدەر مەن جوبالاردى، ونىڭ ىشىندە ستارتاپ-جوبالاردى ەنگىزۋ جانە دامىتۋ ءۇشىن;
- «بيزنەس» - ەكونوميكانىڭ باسىم سەكتورلارىندا جاڭا بيزنەس-يدەيالاردى جۇزەگە اسىرۋ ءۇشىن;
- «مەديا» - جاڭا مەديا-جوبالاردى، ونىڭ ىشىندە جاستارعا اقپاراتتىق، پايدالى، قىزىقتى كونتەنت قۇرۋ جوبالارىن ىسكە اسىرۋعا ارنالعان.
كونكۋرستىق وتىنىمدەر مەملەكەتتىك نەمەسە ورىس تىلدەرىندە قابىلدانادى جانە ولاردا مىنالار بولۋى كەرەك:
- جوبانىڭ سيپاتتاماسى;
- جوبانىڭ بەينە پرەزەنتاتسياسى (60 سەكۋندتان اسپايدى);
- شىعىندار سمەتاسىنىڭ جوباسى;
- زياتكەرلىك مەنشىك تۋرالى اقپارات (بار بولسا).
قۇجات 2021 جىلى 20 شىلدەدە كۇشىنە ەنەدى.
"ادىرنا" ۇلتتىق پورتالى
