استاناداعى مەكتەپتەردىڭ بىرىندە مۇعالىم وقۋشىعا فيزيكالىق كۇش قولدانعان، دەپ حابارلايدى "ادىرنا" ۇلتتىق پورتالى.
وقيعادان كەيىن ۇستاز قىزمەتىنەن بوساتىلىپ، ونىڭ ۇستىنەن قىلمىستىق ءىس قوزعالدى.
قالالىق ءبىلىم باسقارماسىنىڭ مالىمەتىنشە، بۇل جاعداي قىزمەتتىك تەكسەرۋ بارىسىندا انىقتالعان.
مۇعالىم قازاقستان رەسپۋبليكاسىنىڭ ەڭبەك كودەكسىنىڭ 52-بابى 1-تارماعىنىڭ 14-تارماقشاسىنا سايكەس، تاربيەلىك قىزمەت اتقاراتىن قىزمەتكەردىڭ مورالدىق تالاپتارعا ساي كەلمەيتىن ارەكەتى ءۇشىن جۇمىستان شىعارىلدى.
«قوسىمشا تارتىپتىك شارالار دا قابىلداندى. مەكتەپ ديرەكتورى مەن ونىڭ ورىنباسارلارى جەكە جاۋاپكەرشىلىككە تارتىلىپ، رەسمي ەسكەرتۋلەر بەرىلدى»، – دەپ حابارلادى ۆەدومستۆو.
سونىمەن قاتار، پوليتسيا اتالعان دەرەك بويىنشا مۇعالىمگە قاتىستى قىلمىستىق ءىس قوزعادى. تەرگەۋ امالدارى جۇرگىزىلىپ جاتىر.
