Qazaqstanda «Táýelsizdik urpaqtary» jańa granty bekitildi

1171

2021 jylǵy 8 shildedegi Qazaqstan Respýblıkasy Úkimetiniń qaýlysymen «Táýelsizdik urpaqtary» granty quryldy, dep habarlaıdy "Adyrna".

Grantty taǵaıyndaý maqsaty belsendi jastardyń qoǵamdastyǵyn qalyptastyrýǵa baǵyttalǵan jas býynnyń jańa jáne qoldanystaǵy bastamalaryn memlekettik qoldaý bolyp tabylady, delingen qujatta.

Grant berýdiń mindetteri:

  • daryndy jáne yntaly jastardy qoldaý;
  • eldiń áleýmettik-ekonomıkalyq damýy úshin praktıkalyq qyzyǵýshylyq týdyratyn jastardyń
  • ınnovaııalyq jobalary men ǵylymı-tehnıkalyq ázirlemelerin anyqtaý jáne qoldaý;
  • jastarǵa arnalǵan jańa jáne qoldanystaǵy startap-jobalardy iske asyrýǵa kómek;
  • jastar arasyndaǵy shyǵarmashylyq qyzmetti tanymal etý.

Granttyń mólsheri men  sanyn Úkimet jyl saıyn anyqtaıdy.

Granttar konkýrstyq negizde kelesi baǵyttar boıynsha Qazaqstan Respýblıkasynyń azamattaryna jańa ıdeıalar men bastamalardy júzege asyrý úshin beriledi:

  • «Ǵylym» - ǵylymnyń basym salalarynda jańa ǵylymı jobalar men zertteýlerdi júzege asyrý úshin;
  • «Mádenıet» - Qazaqstannyń mádenı murasyn tanymal etýge, halyqtyq mádenı dástúrler men ónerdi nasıhattaýǵa baǵyttalǵan jobalardy iske asyrý úshin;
  • «Aqparattyq tehnologııalar» - jańa IT sheshimder men jobalardy, onyń ishinde startap-jobalardy engizý jáne damytý úshin;
  • «Bıznes» - ekonomıkanyń basym sektorlarynda jańa bıznes-ıdeıalardy júzege asyrý úshin;
  • «Medıa» - jańa medıa-jobalardy, onyń ishinde jastarǵa aqparattyq, paıdaly, qyzyqty kontent qurý jobalaryn iske asyrýǵa arnalǵan.

Konkýrstyq ótinimder memlekettik nemese orys tilderinde qabyldanady jáne olarda mynalar bolýy kerek:

  • jobanyń sıpattamasy;
  • jobanyń beıne prezentaııasy (60 sekýndtan aspaıdy);
  • shyǵyndar smetasynyń jobasy;
  • zııatkerlik menshik týraly aqparat (bar bolsa).

Qujat 2021 jyly 20 shildede kúshine enedi.

"Adyrna" ulttyq portaly

Pikirler
Uqsas jańalyqtar