اقتوبەدە ايەل دۇكەننەن جايالىقتار مەن الكوگول ونىمدەرىن ۇرلاپ، سومكەگە جاسىرىپ، كىشكەنتاي قىزىنىڭ ۆەلوسيپەدىنە ءىلىپ، ۇرلاپ شىققان. سوندىقتان ول تاۋار ءۇشىن تولەم جاساماي كاسسادان ءوتىپ كەتتى، دەپ حابارلايدى "ادىرنا" پورتالى.
ول كىشكەنتاي قىزىمەن بىرگە ساۋدا پاۆيلونىنا كىرگەن. نارەستە ءۇش دوڭگەلەكتى ۆەلوسيپەدپەن ءجۇردى. ايەل دۇكەن تەرەزەسىنەن بىرنەشە جايالىقتار، روم مەن ۆيسكي بوتەلكەسىن الىپ، سومكەگە سالىپ، قىزىنىڭ ۆەلوسيپەدىنە ءىلىپ قويدى، دەپ جازادى «Range».
كاسسير ۇرلانعان زاتتاردى بالانىڭ سومكەسىنە جاسىرۋعا بولادى دەپ ءتىپتى ويلاماعان، سوندىقتان اناسى دۇكەننەن العان تاۋارلاردى بايقاتپاي الىپ، وقيعا ورنىنان تايىپ تۇرعان. ول ءوتىپ بارا جاتقان ادامعا ۇرلانعان الكوگولدى ءۇش مىڭ تەڭگەگە ساتىپ، اقشانى ءوز قاجەتتىلىگىنە جۇمساعان.
ناتيجەسىندە، جالعىزباستى انا ۇرلىق جاساعانى ءۇشىن جازاعا تارتىلماق. سوت ۇكىمى شىققانعا دەيىن ەگەر ول دۇكەنگە كەلتىرىلگەن 35 مىڭ تەڭگەلىك شىعىنىن وتەر بولسا، ءىس ناسىرعا شاپپاي بەيبىت اياقتالار ەدى. الايدا، جالعىزباستى انا مۇنداي قاراجات تابا المادى.
سوت ونى ۇرلىق جاساعانى ءۇشىن ءبىر جىلعا باس بوستاندىعىن شەكتەۋگە ۇكىم شىعاردى (جازا ۇيدە وتەلەدى، بىراق كەيبىر شەكتەۋلەرمەن). وعان ەسكەرتۋ جاسالدى: ەگەر ول رەجيمدى بۇزاتىن بولسا، وندا ونىڭ جازاسىن كولونياداعى ناقتى مەرزىمگە اۋىستىرۋعا بولادى. ۇكىم زاڭدى كۇشىنە ەنگەن جوق.
"ادىرنا" ۇلتتىق پورتالى
