قاراعاندىدا 32 جانە 61 جاس ارالىعىنداعى بەس ادامنان تۇراتىن توپ تەمىرجول ۆاگونىنان مىس ۇرلاعان، دەپ حابارلايدى «ادىرنا» ءتىلشىسى.
پد مالىمەتىنشە، تەرگەۋ بارىسىندا اتالعان تۇلعالاردىڭ قاراعاندى وبلىسىنىڭ توقىراۋ ستانتسياسىندا وسكەمەن – قۇرىق – پورت باعىتىمەن كەلە جاتقان تەمىرجول ۆاگونىنان جالپى سالماعى 32 توننادان استام كاتودتى مىس ۇرلاعاندارى انىقتالعان.
«كەلتىرىلگەن ماتەريالدىق شىعىننىڭ كولەمى 135 ميلليون تەڭگەدەن اسادى. قىلمىستىق توپتىڭ بارلىق مۇشەسى كىناسى تولىق دالەلدەندى. سوت ۇكىمىمەن ولاردىڭ ارقايسىسى 3 جىل 4 اي مەرزىمگە باس بوستاندىعىنان ايىرىلدى»،-دەلىنگەن حابارلامادا.
ايتا كەتەيىك، ۇرىلار بالقاش قالاسىنىڭ تۇرعىندارى، ال ۇيىمداستىرۋشى تەمىرجول جۇمىسشىسى بولىپ شىقتى.
ۇقساس جاڭالىقتار
بۇرقاسىن بوران. قاراعاندى وبلىسى تۇرعىندارىنا ەلدى مەكەندەردەن تىس جەرلەرگە شىقپاۋعا كەڭەس بەرىلدى
