قازىر جاڭا وقۋ جىلىندا وقۋشىلار مەكتەپكە بارا ما، الدە تاعى ونلاين فورماتتا وقي ما دەگەن ساۋال كوپشىلىكتى كوپ تولعاندىرادى. بۇگىن ۇكىمەتتىڭ كەڭەيتىلگەن وتىرىسىندا مەملەكەت باسشىسى بۇل ماسەلەگە قاتىستى ءوز ويىن ايتتى دەپ حابارلايدى "ادىرنا" ۇلتتىق پورتالى.
مەملەكەت باسشىسى جيىندا پاندەميا ءبىلىم ساپاسىنا كەرى اسەرىن تيگىزگەنىن جەتكىزدى. سوندىقتان وتكەن وقۋ جىلىنداعى جىبەرىلگەن كەمشىلىكتەردىڭ ورنىن تولتىرىپ، جاڭا وقۋ جىلىندا كوشتەن قالىپ قويماۋىمىز كەرەك.
– مۇنىڭ بىردەن-ءبىر جولى – وقىتۋدىڭ بۇرىنعى فورماتىنا كوشۋ. ۇكىمەتكە جاڭا وقۋ جىلىندا وقۋشىلار مەن ستۋدەنتتەردىڭ ءداستۇرلى وقۋ جۇيەسىنە ورالۋىن قامتاماسىز ەتۋدى تاپسىرامىن. كوروناۆيرۋستىڭ جاڭا شتامدارى پايدا بولىپ جاتقان كەزدە بۇل مىندەتتى ورىنداۋ وڭاي ەمەس ەكەنىن تۇسىنەمىن. سول سەبەپتى وقۋشىلار مەن مۇعالىمدەردى بارىنشا قورعايتىن كەشەندى ءتاسىل ازىرلەۋ قاجەت، – دەدى قاسىم-جومارت توقاەۆ.
"ادىرنا" ۇلتتىق پورتالى.
