قر وقۋ-اعارتۋ ءمينيسترىنىڭ بۇيرىعىمەن ەرنۇر نۇرلانۇلى داۋەنوۆ قازاقستان رەسپۋبليكاسى وقۋ-اعارتۋ مينيسترلىگى ءبىلىم سالاسىندا ساپانى قامتاماسىز ەتۋ كوميتەتىنىڭ توراعاسى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
ەرنۇر داۋەنوۆ 1988 جىلى پاۆلودار وبلىسىندا دۇنيەگە كەلگەن.
س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىن، قاراعاندى قازتۇتىنۋوداعى ۋنيۆەرسيتەتىن بىتىرگەن. ەڭبەك جولىن 2009 جىلى ى. التىنسارين اتىنداعى وبلىستىق دارىندى بالالارعا ارنالعان قازاق گيمنازيا-ينتەرناتىنىڭ تاريح ءپانىنىڭ مۇعالىمى رەتىندە باستاعان.
2011 جىلدان 2013 جىلعا دەيىن ى. التىنسارين اتىنداعى ۇلتتىق ءبىلىم اكادەمياسىنىڭ عىلىمي قىزمەتكەرى، استانا قالاسىنىڭ «زەردە» دارىندى بالالارعا ارنالعان مەكتەپ ديرەكتورىنىڭ ورىنباسارى، «ەرتىس دارىنى» وڭىرلىك عىلىمي-پراكتيكالىق ورتالىعىنىڭ زەرتحانا مەڭگەرۋشىسى بولىپ جۇمىس ىستەدى.
2013-2014 جىلدارى – پاۆلودار وبلىسى ءبىلىم بەرۋ باسقارماسىنىڭ تاربيە جۇمىسى جانە قوسىمشا ءبىلىم بەرۋ ءبولىمىنىڭ باس مامانى.
2014-2015 جىلدارى – شارباقتى اۋدانى ءبىلىم بەرۋ ءبولىمى باسشىسىنىڭ ورىنباسارى.
2015-2016 جىلدارى – باياناۋىل اۋدانى ءبىلىم بەرۋ ءبولىمىنىڭ باسشىسى.
2016-2017 جىلدارى – پاۆلودار وبلىسى ءبىلىم بەرۋ باسقارماسى باسشىسىنىڭ ورىنباسارى.
2017-2019 جىلدارى – پاۆلودار وبلىسىنىڭ ىشكى ساياسات باسقارماسىنىڭ باسشىسى.
2019 جىلدان باستاپ پاۆلودار وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسىن باسقاردى.
2020 جىلدىڭ تامىز ايىنان باستاپ قازاقستان رەسپۋبليكاسى ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتى توراعاسىنىڭ ورىنباسارى قىزمەتىن اتقاردى.
"ادىرنا" ۇلتتىق پورتالى
