Qazir jańa oqý jylynda oqýshylar mektepke bara ma, álde taǵy onlaın formatta oqı ma degen saýal kópshilikti kóp tolǵandyrady. Búgin Úkimettiń keńeıtilgen otyrysynda Memleket basshysy bul máselege qatysty óz oıyn aıtty dep habarlaıdy "Adyrna" ulttyq portaly.
Memleket basshysy jıynda pandemııa bilim sapasyna keri áserin tıgizgenin jetkizdi. Sondyqtan ótken oqý jylyndaǵy jiberilgen kemshilikterdiń ornyn toltyryp, jańa oqý jylynda kóshten qalyp qoımaýymyz kerek.
– Munyń birden-bir joly – oqytýdyń burynǵy formatyna kóshý. Úkimetke jańa oqý jylynda oqýshylar men stýdentterdiń dástúrli oqý júıesine oralýyn qamtamasyz etýdi tapsyramyn. Koronavırýstyń jańa shtamdary paıda bolyp jatqan kezde bul mindetti oryndaý ońaı emes ekenin túsinemin. Sol sebepti oqýshylar men muǵalimderdi barynsha qorǵaıtyn keshendi tásil ázirleý qajet, – dedi Qasym-Jomart Toqaev.
"Adyrna" ulttyq portaly.
